Popular Bible Verses from Markôs 12

Share

Yêsu laĭ glaĭ: “Tơlơi pơtă yom hloh kơ abih bang anŭn jing: ‘Hmư̆ bĕ, Ơ ƀing Israel! Khua Yang Ơi Adai ƀing ta jing Khua Yang hmâo kơnơ̆ng hasa đôč. Ih khŏm khăp kơ Khua yang Ơi Adai ih hăng abih pran jua, hăng abih bơngăt, hăng abih tơlơi pơmĭn, laih anŭn hăng abih tơlơi kơtang ih.’ Anai jing Tơlơi Pơtă tal dua: ‘Ih khŏm khăp kơ mơnuih jum dar ih kar hăng ih khăp kơ ih pô.’ Ƀu hmâo dơ̆ng tah tơlơi pơtă pơkŏn prŏng hloh kơ dua mơta tơlơi anai.”

Yêsu iâu ƀing ding kơna Ñu hăng laĭ kơ ƀing gơñu: “Sĭt biă mă Kâo laĭ kơ ƀing gih, đah kơmơi blao ƀun rin anai hmâo pơyơr laih amăng hip pơyơr prăk lu hloh kơ ƀing pơkŏn. Yua kơ abih bang gơñu pơyơr mơ̆ng prăk rơbeh gơñu đôč, samơ̆ đah kơmơi anŭn ƀun rin biă mă, hmâo pơyơr abih mơnơ̆ng ñu hmâo, jing mơnơ̆ng kiăng čem tơlơi hơdip ñu.”

Yêsu dŏ ber pơklă anăp hăng hip pơyơr prăk amăng sang Kơkuh Pơpŭ, lăng ƀing mơnuih lu pơyơr prăk amăng hip anŭn. Ƀing pơdrŏng pơyơr lu prăk. Hlăk anŭn hmâo sa čô đah kơmơi blao rai pơyơr dua su prăk anĕt, jing sa kak.

Sĭt yơh, tơlơi khăp kơ Ñu hăng abih pran jua, hăng abih tơlơi thâo hluh, hăng abih tơlơi kơtang, laih anŭn khăp kơ mơnuih jum dar kar hăng ih khăp kơ ih pô, jing yom hloh kơ abih bang mơnơ̆ng ngă yang čuh hăng mơnơ̆ng ngă yang pơkŏn.”

Yêsu laĭ kơ gơñu: “Ba glaĭ bĕ kơ Sêsar hơgĕt lơ̆m kơ Sêsar, laih anŭn ba glaĭ bĕ kơ Ơi Adai hơgĕt lơ̆m kơ Ơi Adai.” Gơñu dŏ kơtuă hling biă mă kơ tơlơi Yêsu pơhiăp anŭn.