Markôs 12:29-31

Yêsu laĭ glaĭ: “Tơlơi pơtă yom hloh kơ abih bang anŭn jing: ‘Hmư̆ bĕ, Ơ ƀing Israel! Khua Yang Ơi Adai ƀing ta jing Khua Yang hmâo kơnơ̆ng hasa đôč. Ih khŏm khăp kơ Khua yang Ơi Adai ih hăng abih pran jua, hăng abih bơngăt, hăng abih tơlơi pơmĭn, laih anŭn hăng abih tơlơi kơtang ih.’ Anai jing Tơlơi Pơtă tal dua: ‘Ih khŏm khăp kơ mơnuih jum dar ih kar hăng ih khăp kơ ih pô.’ Ƀu hmâo dơ̆ng tah tơlơi pơtă pơkŏn prŏng hloh kơ dua mơta tơlơi anai.”