Popular Bible Verses from Markôs 10

Share

Yua kơ kar kaĭ mơ̆n Ană Mơnuih hmâo rai laih ƀu djơ̆ kiăng kơ arăng mă bruă kơ Ñu ôh, samơ̆ Ñu kiăng mă bruă kơ arăng, laih anŭn jao brơi tơlơi hơdip Ñu pô jing nua song mă kơ lu mơnuih.”

Yêsu lăng kơ ƀing gơñu hăng laĭ: “Tơlơi anŭn mơnuih ƀu dưi ngă ôh, samơ̆ Ơi Adai dưi ngă; yua kơ abih bang tơlơi Ơi Adai dưi ngă soh sel.”

Yêsu laĭ kơ gơ̆: “Nao bĕ, tơlơi đaŏ ih hmâo pơsuaih ih laih.” Tañ mơtam mơta ñu rơđah glaĭ laih anŭn đuaĭ tui Yêsu ƀơi rŏk jơlan.

Tui anŭn, anăm brơi mơnuih pơčơlah hĭ ôh ƀing hlơi Ơi Adai hmâo pơgop laih.”

Yêsu lăng kơ gơ̆ hăng tơlơi khăp, laih anŭn laĭ: “Ih kơƀah sa tơlơi; nao bĕ, sĭ hĭ hơgĕt mơnơ̆ng ih hmâo hăng pha brơi kơ ƀing ƀun rin, laih anŭn ih či hmâo yơh kong ngăn yom amăng adai. Laih anŭn rai bĕ, đuaĭ tui Kâo.”

Yêsu laĭ kơ gơ̆: “Hơgĕt tơlơi ih kiăng Kâo ngă brơi kơ ih?” Mơnuih bum mơta laĭ glaĭ: “Ơ Nai, brơi kâo dưi ƀuh rơđah.”

Samơ̆ tơ̆ng krah ƀing gih ƀu djơ̆ kar hăng anŭn ôh, hlơi pô kiăng jing prŏng amăng ƀing gih, brơi ñu jing ding kơna kơ ƀing gih.

Sĭt biă mă Kâo laĭ kơ ƀing gih, hlơi ƀu tŭ mă ôh dêh čar pơtao Ơi Adai kar hăng sa čô čơđai anĕt, ñu ƀu dưi mŭt pơ anŭn ôh.”

Samơ̆ hmâo lu mơnuih hlâo či jing tơdơi, laih anŭn ƀing tơdơi či jing hlâo.”

Samơ̆ mơ̆ng phŭn tơlơi hrih pơjing: ‘Ơi Adai kơnơ̆ng pơjing sa čô đah rơkơi laih anŭn sa čô đah kơmơi đôč.’ ‘Yua kơ tơlơi anŭn yơh đah rơkơi či lui amĭ ama ñu laih anŭn pơgop hăng bơnai ñu, laih anŭn dua gơñu či jing hĭ sa asar.’ Tui anŭn gơñu ƀu jing dua dơ̆ng ôh, samơ̆ kơnơ̆ng jing sa asar đôč.