Popular Bible Verses from Detewonòm 6

Share

Se pou nou renmen Senyè a, Bondye nou an, avèk tout kè nou, avèk tout nanm nou, avèk tout fòs kouray nou.

N'a moutre pitit nou yo. N'a repete yo nan zòrèy yo, kit nou lakay, kit nou nan travay.

Pa janm bliye kòmandman m'ap ban nou jòdi a.

Koute byen, nou menm pèp Izrayèl! Senyè a, Bondye nou an, se li ki sèl mèt.

Mare yo sou ponyèt nou ak sou fwon nou pou nou sa pa janm bliye yo.

N'a ekri yo sou chanbrann pòt lakay nou ak sou pòtay lavil nou yo.

Se pou Senyè a, Bondye nou an, ase pou nou gen krentif. Se li menm ase pou nou sèvi. Se non li sèlman pou nou pran pou fè sèman.

Senyè a pral kenbe pwomès li te fè Abraram, Izarak ak Jakòb, zansèt nou yo, li pral fè nou antre nan peyi li sèmante l'ap ban nou an. Se yon peyi kote n'a jwenn gwo bèl vil nou pa te bati, kote n'a jwenn kay plen bon bagay san se pa nou menm ki te mete yo la, avèk pi byen fon nou pat fouye, avèk jaden rezen ak jaden oliv nou pat plante. Lè sa a, lè n'a fin manje plen vant nou, fè atansyon pou nou pa bliye Senyè a, li menm ki te fè nou sòti kite peyi Lejip kote nou te esklav la.

Koulyeya, men kòmandman, lòd ak prensip Senyè a, Bondye nou an, mande pou nou swiv nan peyi nou pral pran pou nou an. Konsa, ni nou menm, ni pitit nou yo, ni pitit pitit nou yo, n'a gen krentif pou Senyè a, Bondye nou an, n'a kenbe tout lòd ak tout kòmandman li ban nou yo, chak jou nan lavi nou. Se konsa n'a viv lontan.

N'a fè sa ki dwat ak sa ki byen nan je Bondye pou nou ka gen kè kontan, pou nou ka pran bèl peyi Senyè a te fè sèman l'ap bay zansèt nou yo

Paske Senyè a, Bondye ki rete nan mitan nou an, se yon Bondye ki jalou anpil. Si nou fè sa, l'a fache sou nou, l'a disparèt nou nèt sou latè.

Pa kouri dèyè lòt bondye. Piga n'al sèvi bondye pèp k'ap viv toupre nou yo.

Piga nou sonde Senyè a, Bondye nou an, jan nou te fè l bò Masa a.