Popular Bible Verses from Detewonòm 5

Share

Respekte manman nou ak papa nou jan Senyè a, Bondye nou an, te pase nou lòd la, pou nou ka viv lontan ak kè kontan nan peyi Senyè a, Bondye nou an, te ban nou.

N'a mache dwat nan chemen Bondye nou an, Senyè a, mete devan nou an. Se konsa n'a gen lavi, n'a gen kè kontan. N'a viv lontan nan peyi nou pral pran pou nou rete a.

Piga nou adore yo, ni piga nou sèvi yo. Paske mwen menm Senyè a, Bondye nou an, mwen se yon Bondye ki jalou anpil. Lè yon moun rayi m, mwen fè pitit li, pitit pitit li ak pitit pitit pitit li yo peye sa. Men, lè yon moun renmen m, lè li fè sa m mande l fè, m'ap moutre l jan moun rimnen l tou ansanm ak tout pitit pitit li yo pandan mil jenerasyon.

Piga nou janm fè okenn estati ni okenn pòtre ki sanble bagay ki anwo nan syèl la osinon bagay ki sou latè ou ankò nan dlo anba tè a.

Piga nou sèvi lòt bondye pase mwen menm sèlman.

Piga nou janm nonmen non Senyè a, Bondye nou an, an jwèt osinon pou bay manti, paske mwen menm, Senyè a, Bondye nou an, mwen p'ap manke pini moun ki nonmen non m pou gremesi.

Mwen swete yo toujou gen bon santiman nan kè yo pou yo gen krentif pou mwen, pou yo kenbe lòd mwen yo. Konsa y'a viv ak kè kontan, ni yo menm, ni pitit yo.

Toujou chonje jou repo a pou nou mete l apa pou Bondye, jan mwen menm Senyè a, Bondye nou an, te ban nou lòd fè l la.

Piga nou janm pote lanvi sou madanm frè parèy nou. Pa mete lide nou ni sou kay li, ni sou jaden li, ni sou gason osinon fanm k'ap travay lakay li, ni sou bèf li, ni sou bourik li, ni sou anyen ki pou frè parèy nou.

Piga nou janm fè adiltè.

Piga nou janm fè manti sou frè parèy nou nan tribinal.

Piga nou fè zak asasinay touye moun.

Piga nou vòlè moun.

N'a toujou chonje se esklav nou te ye nan peyi Lejip la. E se mwen menm, Senyè a, Bondye nou an, ki te vin delivre nou ak fòs ponyèt mwen, ak gwo kouray mwen. Se poutèt sa, Senyè a, Bondye nou an, te pase nou lòd pou nou pa bliye jou repo a.

N'a travay sis jou. Lè sa a, n'a fè tou sa nou gen pou nou fè. Men, setyèm jou a, se jou repo Senyè a, Bondye nou an. Jou sa a, nou p'ap fè okenn travay, ni nou menm, ni pitit gason nou, ni pitit fi nou, ni fanm ni gason k'ap travay lakay nou, ni bèf nou, ni bourik nou, ni okenn nan lòt bèt nou genyen, ni moun lòt nasyon ki rete lakay nou. Konsa, ni fanm ni gason k'ap travay lakay nou ka pran repo menm jan ak nou.

Se mwen menm, Senyè a, Bondye nou an, ki te fè nou sòti kite peyi Lejip kote nou te esklav la.