Popular Bible Verses from Matto 5

Share

Hech kim chiroqni yoqib, ustini idish bilan yopib qoʻymaydi. Aksincha, uni chiroqpoyaga qoʻyishadi, shunda chiroq uydagilarning hammasiga yorugʻlik beradi. Sizning nuringiz ham insonlar oldida shunday porlasinki, ular yaxshi ishlaringizni koʻrib, osmondagi Otangizni ulugʻlasinlar.

Sizlar dunyoning nurisizlar. Tepalikka qurilgan shaharni koʻzdan pinhon tutib boʻlmaydi.

Pokdil boʻlganlar baxtlidir, Chunki ular Xudoni koʻradilar.

Adolatga tashna boʻlganlar baxtlidir, Chunki Xudo ularni qondiradi.

Lekin Men sizlarga aytyapman: dushmanlaringizni yaxshi koʻringlar. Sizlarni quvgʻin qilganlar uchun ibodat qilinglar.

“Ruhan kambagʻal boʻlganlar baxtlidir, Chunki Osmon Shohligi ularnikidir.

Tinchlik oʻrnatuvchilar baxtlidir, Chunki ular Xudoning farzandlari deb ataladilar.

Yigʻlayotganlar baxtlidir, Chunki ular tasalli topadilar.

Xudoning yoʻlidan yurgani uchun Quvgʻin boʻlganlar baxtlidir, Chunki Osmon Shohligi ularnikidir.

Rahmdil boʻlganlar baxtlidir, Chunki ular rahm–shafqat topadilar.

Odamlar Men tufayli sizlarni haqoratlab quvgʻin qilganlarida, sizlar haqingizda yolgʻon gapirib tuhmat qilganlarida, baxtlisizlar! Sevininglar, xursand boʻlinglar. Sizlarni osmonda buyuk mukofot kutmoqda. Axir, sizdan avval oʻtgan paygʻambarlar ham xuddi shunday quvgʻin boʻlganlar.

Kamtarin boʻlganlar baxtlidir, Chunki ular yer yuziga ega boʻladilar.

Sizlar yerning tuzisizlar. Lekin tuz oʻz taʼmini yoʻqotsa, uni yana qanday shoʻr qilib boʻladi?! Bunday tuz boshqa hech narsaga yaramaydi, uni oyoq ostiga tashlab yuborishadi.

Osmondagi Otangiz barkamol boʻlgani kabi, sizlar ham barkamol boʻlinglar.

Sizlarning soʻzingiz faqat «ha» yoki «yoʻq» boʻlsin. Bundan ortigʻi esa yovuz shaytondandir.

Sizlar: «Koʻz evaziga koʻz, tish evaziga tish», — deb aytilganini ham eshitgansizlar. Lekin Men sizlarga aytaman: sizga yomonlik qilgan odamga qarshilik koʻrsatmang. Agar kimdir oʻng chakkangizga ursa, unga chapini ham tuting.

Bordi–yu, oʻng koʻzingiz gunoh qilishingizga sababchi boʻlsa, uni oʻyib olib, uloqtirib yuboring. Butun badaningiz doʻzaxga tashlangandan koʻra, aʼzolaringizdan bittasi yoʻq boʻlgani siz uchun yaxshiroqdir. Agar oʻng qoʻlingiz gunoh qilishingizga sababchi boʻlsa, uni kesib tashlab, uloqtirib yuboring. Butun badaningiz doʻzaxga yoʻliqqandan koʻra, aʼzolaringizdan bittasi yoʻq boʻlgani siz uchun yaxshiroqdir.