Popular Bible Verses from MATTHAÏOS 6

Share

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

Kumta wat khuslai ïa kaba lashai; kan don bun ki jingkhuslai ki jong ka hi. Ym donkam ban kynton halor ki jingjynjar ba kawei pa kawei ka sngi ka wallam.

“Dei kane keiñ balei nga ong ïa phi ban ym khuslai shaphang ka jingbam bad ka jingdih kaba phi donkam ban im, lane shaphang ki jaiñ na ka bynta ka met jong phi. Nalor baroh, hato ka jingim kam kham kor shibun ban ïa ki jingbam? Hato ka met kam kham kor ban ïa ki jaiñ?

Hynrei haba phi duwai, to leit sha ka kamra jong phi, khang ïa ka jingkhang, bad duwai sha U Kpa jong phi, ïa uba ym lah ban ïohi. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom; ai ba ka Hima jong me kan wan; ai ba ka mon jong me yn leh ha ka khyndew kumba ka long ha bneng.

To ai ha ngi mynta ka jingbam kaba ngi donkam.

To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

“Namar lada phi map ïa kiwei ïa ki jingpalat kiba ki la leh ïa phi, U Kpa jong phi uba ha bneng un map ruh ïa phi.

Khmih ïa ki sim: kim bet symbai, kim ïalum ïa ka jingot bad buh ïa ka ha ki thiar; pynban U Kpa jong phi uba ha bneng u sumar sukher ïa ki! Hato phim kam kor shibun ban ïa ki sim?

“Wat kynshew spah na ka bynta ïa lade hangne ha ka pyrthei, ha kaba ki khñiang bad ka sarang ki pynjot, bad ki nongtuh ki prong bad ki tuh. Hynrei, to kynshew spah na ka bynta ïa lade ha bneng, ha kaba ki khñiang bad ka sarang kim lah ban pynjot, bad ki nongtuh kim lah ban prong bad tuh. Namar ba ka dohnud jong phi kan ïai don ha ka jaka kaba don ka spah jong phi.

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

Hynrei haba phi ïarap ïa u briew uba kyrduh, leh ïa ka ha kata ka rukom ba wat u paralok bajan tam jong phi un ym tip shaphang kata. Te kan long ka kam kaba rieh. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

“Da pynthikna ba phin ym leh ïa ki kam niam jong phi ha kaba paw khnang ba ki briew kin ïohi ïa kaei kaba phi leh. Lada phi leh ïa kine kiei kiei ha kaba paw, phin ym ïoh kano kano ka nong na U Kpa jong phi uba ha bneng.

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura. Haba phi leit khlem bam ei ei, bta ïa ka khmat jong phi bad sad ïa u shñiuh jong phi, khnang ba kiwei kin ym tip ba phi shahjingit — tang U Kpa jong phi, ïa uba ym lah ban ïohi, un tip. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.