Popular Bible Verses from MATTHAÏOS 5

Share

Ym don uno uno uba thang ïa ka sharak bad buh ïa ka hapoh ka shang; hynrei u buh ïa ka halor u diengpynïeng sharak, na kaba ka ai jingshai ïa baroh kiba hapoh ka ïing. Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

“Phi, phi long kum ka jingshai ïa ka pyrthei baroh kawei. Ïa ka nongbah ba la tei halor u lum ym lah ban buhrieh.

Suk kiba khuid ha ka dohnud; kin ïohi ïa U Blei!

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

Suk kito kiba trei na ka bynta ka jingsuk; U Blei un khot ïa ki, ki khun jong u!

Suk kito kiba sngewsih; U Blei un pyntngen ïa ki!

Suk kito kiba shah pynshitom beiñ namar ba ki leh ïa kaei kaba U Blei u dawa; ka Hima ki bneng ka long ka jong ki!

Suk kito kiba isynei ïa kiwei pat; U Blei un isynei ïa ki!

“Suk ma phi haba ki briew ki krenbeiñ bad pynshitom beiñ ïa phi, bad ong bun jait ki jinglamler basniew pyrshah ïa phi namar ba phi long ki nongbud jong nga. To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

Suk kito kiba sngewrit; kin ïohpdiang ïa kaei kaba U Blei u la kular!

“Phi, phi long kum ka mluh ïa u paid bynriew baroh. Hynrei lada ka mluh ka la blad noh, ym don kano kano ka lad ban pynbha pat ïa ka. Ka la kylla long ka bymdondor, kumta la bret noh ïa ka sharud bad ki briew ki ïuh halor jong ka.

Phi dei ban long kiba janai — kumba U Kpa jong phi uba ha bneng u long uba janai!

Shu ong ‘Ho-oid’ lane ‘Em’ — kano kano kawei pat kaba phi ong ka wan na Uta uba Sniew.

“Phi la ïohsngew ba la ong, ‘Ka khmat namar ka khmat, bad ka bniat namar ka bniat.’ Hynrei mynta nga ong ha phi: wat pynhiarkput ïa uno uno uba leh sniew ïa phi. Lada uno uno u thab ïa phi na ka ngab kamon, ai ba un thab ïa ka ngab kadiang jong phi ruh.

Kumta lada ka khmat kamon jong phi ka pynlong ïa phi ban leh pop, khlaw noh ïa ka bad bret noh ïa ka! Ka kham bha ïa phi ban duh noh shi bynta na ka met jong phi ban ïa kaba ka met jong phi baroh kawei yn shah bret sha ka dujok. Lada ka kti kamon jong phi ka pynlong ïa phi ban leh pop, to ot noh ïa ka bad bret noh ïa ka! Ka kham bha ïa phi ban duh ïa kawei na ki kti jong phi ban ïa kaba ka met jong phi baroh kawei ka leit sha dujok.