Popular Bible Verses from MATTHAÏOS 7

Share

“To pan, bad phin ïohpdiang; to wad, bad phin shem; to tied, bad ïa ka jingkhang yn plie ïa phi.

Naba uno uno baroh uba pan un ïohpdiang, bad uno uno uba wad un shem, bad ka jingkhang kan plie ïa uta uba tied.

“Kumta te, uno uno uba ïohsngew ïa kine ki ktien jong nga bad uba kohnguh ïa ki u long kum u briew uba stad uba la tei ïa la ka ïing halor u mawsiang.

“Leh ïa kiwei ïa kaei kaba phi kwah ïa ki ba kin leh na ka bynta jong phi: Kane ka long ka jingmut jong ka Hukum u Moses bad jong ki jinghikai ki nongïathuhlypa.

Hynrei ka khyrdop sha ka jingim ka long kaba khim bad ka lynti kaba ïalam sha ka, ka long kaba eh, bad don khyndiat ki briew kiba shem ïa ka.

“Rung shapoh lyngba ka khyrdop kaba khim, namar ka khyrdop sha ka dujok ka long kaba kylluid bad ka lynti kaba ïalam sha ka, ka long kaba suk, bad don shibun kiba ïaid na ka.

Phi kiba sniew eh, phi tip kumno ban ai kiei kiei kiba bha ïa ki khun jong phi. Kaba katno tam keiñ, ba U Kpa jong phi uba ha bneng un ai kiei kiei kiba bha ha kito kiba pan na u!

“Wat bishar ïa kiwei pat, khnang ba U Blei un ym bishar ïa phi, naba U Blei un bishar ïa phi ha kajuh ka rukom kumba phi bishar ïa kiwei pat, bad un pyndei ha phi ïa kijuh ki jingthew kiba phi pyndei ïa kiwei pat.

“Hynrei uno uno uba ïohsngew ïa kine ki ktien jong nga bad u bymkohnguh ïa ki u long kum u briew uba bieit uba la tei ïa la ka ïing halor u shyiap.

Balei, te, ba phi khmih ïa u thiat ha ka khmat u para jong phi, bad phi khlem pynleit jingmut ïa ka lyngkhot dieng hapoh ka khmat jong phi hi? Kumno phi nud ban ong ha u para jong phi, ‘Sngewbha, shah ïa nga ban khlaw noh ïa u thngiat na ka khmat jong phi,’ haba phi don ka lyngkhot dieng ha la ka jong ka khmat?

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar. Phin ithuh ïa ki da kaei kaba ki leh. Ki bniap shiah kim ju pynmih ki sohwaiñ, bad ki shiah buid kim ju pynmih ki soh Dumbur.

U dieng uba plung bha u pynmih ki soh kiba bha, hynrei u dieng uba swai u pynmih ki soh kiba sniew.

U dieng uba plung bha um lah ban pynmih ki soh kiba sniew, bad u dieng uba swai um lah ban pynmih ki soh kiba bha.

Bad ïa uno uno u dieng u bym pynmih u soh uba bha la ju khet noh bad bret hapoh ka ding.