Popular Bible Verses from MATTHAÏOS 8

Share

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

“O em, ko Kynrad,” la jubab u rangbah pynïaidkam. “Ngam long uba dei hok ba phin wan shapoh ka ïing jong nga. Shu ai hukum, bad u shakri jong nga un ïohkhiah.

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

Nangta U Jisu u la ong ha u rangbah pynïaidkam, “Khie leit noh sha ïing, bad ïa kaei kaba me ngeit yn sa leh na ka bynta jong me.” Bad ïa u shakri jong u rangbah pynïaidkam la pynkhiah ha kata hi ka khyllipmat.

Uwei pa uwei baroh u la sngewphylla. “U briew uba kumno une u long?” ki la ong. “Wat ki lyer bad ki jingat phyllung ki kohnguh ïa u!”