Popular Bible Verses from MARKA 13

Share

Ka min ruangah mi vialte huat nan si lai. Asinain a dongh tiangin a tuarmi cu khamh an si lai.

Thlacam in i ralring u, zeicatiah a cân kha nan hngal lo.

Tlaih nan si i biaceihnâk i chuahpi nan si tikah, zeidah ka chim lai tiah, ruat hmasa hlah u. A cân teah chim awk kha pêk nan si ko lai, a chimtu cu nanmah si loin, Thiang Thlarau a si lai.

Lei le van an lo lai, asinain ka bia cu a lo lai lo.

“Asinain a ni le suimilam cân cu Pa dah ti lo ahohmanh nih an hngal lo, van i vanmi hna le Fapa zong nih a hngal lo.

Ral dohnâk le raltuknâk thong nan theih lai, asinain buai hlah u, zeitintiah cu thil hna cu a um hrimhrim awk a si, asinain donghnâk cu a si rih lai lo.

Cucaah i ralring u, inn ngeitu rat cân cu zanlei ah maw, zanṭim ah maw, arkhuan cân ah maw, zingah dah a si lai nan hngal lo. Culoahcun nan i hngilh cân ah a ra sual lai i an poh sual hna lai. Nan sin i ka chimmi vialte hi mi vialte sin i chim ka si. I ralring u.

Ram le ram an i doh lai, pennâk le pennâk an i doh lai, hmunkip ah li ai hnin lai I mangṭam le buainâk a um lai. Hi vialte hna hi fahnâk hramthawknâk a si.

Cun thawngṭha hi miphun vialte sinah chim a si hmasa lai.

Zeitintiah mi tampi ka min in an ra lai, “Amah cu ka si” tiah mi tampi an hlen hna lai.

I ralring u, biaceihnâk ah an in chuahpi hna lai, Sinagog ah an in velh hna lai, ka bia hngalhter awkah, hruaitu le uktu hna hmai ah keimah ruangah chuahpi nan si te lai.

Zeitintiah krih deu hna le profet deu kha an chuak lai, cu hna nih cun mi hlennâk caah hmelchunhnâk le khuarauhhar thil kha an tuah lai, si kho sehlaw, thimmi hmanh an hlen hna lai.

Asinain cu ni hna le, harnâk cân a dih cun, nika a mui lai i thlapa a ceu ti lai lo. Van in arfi an tla lai i van thiltikhawhnâk cu â hnin lai.