Popular Bible Verses from MARKA 12

Share

Jesuh nih, “Nawl pek hmasabik cu hihi a si, “Maw, Israel hna, ngai hmanh u, BAWIPA kan Pathian cu BAWIPA pakhat a si. BAWIPA na Pathian cu, na lungthin dihlak, na thlarau dihlak, na ruahnak dihlak, na ṭhawnnâk dihlak in na dawt lai. Hihi nawlpek hmasa bik a si. Pahnihnâk amah bantuk cu hihi a si. “Nangmah nâ dawt bangin na innpa na dawt lai.” Hi hna nâk i a ngan deuhmi Nawlpêk a um ti lo,” tiah a ti.

Jesuh nih a lamkaltu kha a kawh hna i “Biataktein kan chimh hna, thawhlawm kuangah a thlatu vialte ah hi nuhmei sifaknu thlakmi a tambik, zeitintiah hi hna nih hin an ngeih hlei an thlak, anih nih cun a ngeichun, a nunpi dingmi kha a thlak,” tiah a ti.

Cubangin Jesuh cu thawhlawm kuang ralden ah a ṭhu i thawhlawm kuang i mi nih thawhlawm an thlakmi kha a rak zoh. Mirum hna nih tam ngaiin an thlak. Cuticun a hnu ah nuhmei sifak ngaimi a ra, dar tangka pahnih piahra tluk a simi khi a thlak ve.

Lungthin dihlak, hngalhnâk dihlak, thlarau dihlak le ṭhawnnâk dihlak i Amah dawt le, mah i dawt bang i innpa dawt cu pêkchanhnâk le pum khangh thawinâk nâkin a ṭha deuh,” tiah a ti.

Jesuh nih, “Sizar thil cu Sizar pe ulaw, Pathian thil cu Pathian sinah pe ngat u,” tiah a ti i mak an ti ngai ngai.