Popular Bible Verses from MARKA 14

Share

“Abba, ka Pa, zeizong vialte hi na caah a si kho ko. Hi hrai hi ka sinin la ko, asinain keimah duhnâk si loin, nangmah duhnâk bang siseh,” tiah a ti.

Tukforhnâk i nan luhnâk hnga lo, ralring tein thla cam u. Thlarau nih a duh i taksa cu a der,” tiah a ti.

Biataktein kan chimh hna, vawlei dihlak thawngṭha an chimnâk pauh ah hi minu tuahmi zong hi amah philh lo nâkah an chim ve lai,” tiah a ti.

Cuticun an sinah, “Ka thlarau a ngaih a chia tuk hringhran i thihpi tlâk a si. Hika ah um in ralring tein um u.

Cun rawl an ei lioah, Jesuh nih changreu kha a lâk, thluachuah a pêk hnuah a cheu i an sinah a pek, “La ulaw, ei u; hihi ka taksa a si,” tiah a ti.

Hrai zong kha a lâk i lawmhnâk bia a chim dih in an sinah a pêk i an dihlak in an din. Anih nih, “Hihi ka thisen i biakam thar, mi tampi ca i a chuak hngami cu a si.

Jesuh nih, “Tuzan ah keimah ruangah nan dihlakin nanka tluktâk dih lai, hitihin ṭial arak si cang kha, ‘Tukhâl kha ka velh lai i tuurun kha an i ṭhek dih lai,’ tiin.

Tho ulaw, kal hna usih. Zohhmanh u a ka rawitu ding a nai cang.

Jesuh nih, “Biataktein kan chimh ni hin ah, tuzan hmanh ah, ar voihnih khuan hlan hmanh ah, voithum naka hlawt lai,” tiah a ti.