Popular Bible Verses from Lukas 13

Share

“Mej ua tag txeem lub qhovrooj nqaim moog rua saab huv. Kuv qha rua mej has tas, muaj ntau leej xaav moog saab huv, tabsis puab moog tsi tau.

Muaj ib tug quaspuj raug dlaab hab mob tau kaum yim xyoo lawm; ua rua nwg khoov dluav sawv tsi tau ntseg. Thaus Yexus pum tug quaspuj ntawd, Yexus hu nwg lug hab has rua nwg tas, “Tug ntxhais, koj tug mob tub zoo lawm!”

Yexus cev teg moog tuav nkaus tug quaspuj ntawd, taamsim ntawd tug quaspuj ntawd txawm sawv tau ntseg, hab nwg ua Vaajtswv tsaug.

Thaus ntawd tug kws nwgnuav nyob tom tw yuav tau moog ua tug thawj, hab tug kws nwgnuav ua tug thawj, yuav tau lug nyob tom tw.”

Thaus tug tswv tsev sawv lug kaw qhovrooj lawm; mej yuav sawv saab nrau khob qhovrooj hab hu has tas, ‘Tug tswv, thov qheb qhovrooj rua peb!’ Tug tswv tsev yuav teb mej has tas, ‘Kuv tsi paub sov mej tuaj qhov twg tuaj!’

Tsi yog le ntawd! Kuv qha rua mej has tas, yog mej tsi tso mej tej kev txhum tseg, mej yuav tuag taag ib yaam le puab cov ntawd hab.”

Tug tswv tsev yuav rov has rua mej has tas, ‘Kuv tsi paub sov mej tuaj qhov twg tuaj. Cov tuabneeg sab phem, mej ca le tsiv moog!’

Yexus nug has tas, “Kuv yuav muab Vaajtswv lub Tebchaws pev rua dlaabtsi? Vaajtswv lub tebchaws pev ib yaam le lub noob zaub kws muaj ib tug coj moog cog rua huv nwg lub vaaj. Lub noob zaub ntawd tuaj hab luj hlub ua ib tsob ntoo kws luj heev, hab noog lug ua zeg rua sau nwg tej ceg.”