Popular Bible Verses from Lukas 14

Share

“Yog leejtwg yuav lug cuag kuv, tug ntawd yuavtsum hlub kuv heev dlua le nwg hlub nwg nam nwg txiv, nwg quaspuj mivnyuas, nwg kwv nwg tij, nwg nkauj nwg muam, hab heev dlua le nwg hlub nwg lub cev, nwg txhaj le ua tau kuv tug thwjtim.

Tug kws tsi kwv nwg tug ntoo khaublig nrug kuv moog, tug ntawd ua tsi tau kuv tug thwjtim.

Rua qhov txhua tug kws khaav has tas nwg muaj fwjchim, tug ntawd yuav poob fwjchim, tabsis txhua tug kws txu fwjchim, yuav tau fwjchim.”

Yexus xaus lug has tas, “Ib yaam nkaus le ntawd, tug kws tsi tso txhua yaam kws nwg muaj tseg, tug ntawd ua tsi tau kuv tug thwjtim.

Mej cov yog muaj ib tug yuav ua ib lub chaw tsomfaaj, tug ntawd yuavtsum xub nyob quastsawg ua tuab zoo xaav saib yuav siv nyaj npaum le caag, hab nwg puas yuav muaj nyaj txaus ua tau. Yog nwg tsi xub ua le ntawd, ces thaus txhus tau ncej lawm, nwg yuav ua lub chaw tsomfaaj ntawd tsi tav. Cov tuabneeg kws pum le ntawd yuav thuam nwg has tas, ‘Tug txivneej nuav pib ua, tabsis nwg tsi muaj peevxwm ua kuas tav!’

Thaus koj muaj noj muaj haus, koj ca le moog hu tej tuabneeg pluag, tej tuabneeg qhuav teg qhuav taw, tej tuabneeg cegtawv, hab tej tuabneeg dligmuag tuaj noj; koj txhaj yuav tau koob moov, rua qhov puab cov ntawd pauj tsi taug koj txaj ntsig. Thaus Vaajtswv tsaa cov tuabneeg ncaaj nceeg sawv huv qhov tuag rov qaab lug, Vaajtswv yuav muab nqe zug rua koj.”

“Ntsev yog yaam kws zoo, tabsis yog ntsev tsuag lawm, yuav ua le caag kuas rov qaab ntsev tau. Cov ntsev ntawd tsi zoo siv ua dlaabtsi, muab rua aav los aav tsi zoo, hab muab xyaw chiv los tsi zoo, tsuas muaj yuav muab povtseg xwb. Yog leejtwg muaj qhovntsej ca le noog!”