Popular Bible Verses from Lukas 12

Share

Yog le ntawd, mej los yuavtsum zuv tog, rua qhov Tuabneeg Leej Tub yuav lug lub sijhawm kws mej tsi ceevfaaj.”

Tabsis mej yuavtsum xub nrhav Vaajtswv lub Tebchaws tsaiv, nwg maam le muab tej nuav ntxiv rua mej.

Yexus has rua suavdlawg tas, “Mej txhua tug yuavtsum ceevfaaj tsi xob ntshaw yaam nuav yaam u. Txawm yog mej muaj nyaj ntxag hab qhov txhua chaw ntau npaum le caag los tej ntawd yeej paab tsi tau kuas mej muaj txujsa nyob ntev.”

Mej tej nyaj txag hab qhov txhua chaw nyob qhov twg, mej lub sab yeej nyob qhov ntawd.

Mej tej kev txhawj puas yuav paab tau kuas mej muaj sa nyob ob peb xyoos ntxiv?

Ces Yexus has rua nwg cov thwjtim has tas, “Yog le ntawd, kuv txhaj qha rua mej kuas mej tsi xob txhawj has tas mej yuavtsum muaj zaub mov noj txhaj muaj sa nyob lossis yuavtsum muaj rig tsho naav.

Txawm yog mej tej plaubhau los Vaajtswv suav txhua txuj huv tuabsi. Yog le ntawd, mej tsi xob ntshai; mej muaj nqes heev dlua ntau tug noog tsev.

“Cov mivnyuas yaaj, txawm yog mej tsi coob los mej tsi xob ntshai, rua qhov mej leej Txiv tub txaus sab muab nwg lub tebchaws rua mej lawm.

Mej ua tuab zoo saib tej uab laag: uab laag tsi cog qoob cog loo, hab tsi hlais tsi sau; puab tsi muaj txhaab tsi muaj phawv ntim qoobloo ca; Vaajtswv tub yug tej uab laag! Mej tseem muaj nqes heev dlua tej noog ntawd!

“Yog le ntawd, mej tsi xob txhawj has tas, mej yuav moog nrhav dlaabtsi lug noj lug haus

Tej nroj tsuag kws tsuas nyob nub nua xwb, pigkig luas tub yuav muab pov hlawv rua huv qhovcub, ua cav Vaajtswv tub pub rua tej paaj ntoos ntawd zoo nkauj ua luaj. Yog le ntawd, Vaajtswv hajyam yuav pub rua mej muaj naav zoo dlua tej nroj tsuag ntawd!

Tej kws tuabneeg muab npog ca lawm, yuav muaj tug muab nthuav lug rua suavdlawg saib, hab tej kws tsi muaj leejtwg paub, yuav muaj tug muab lug qha rua suavdlawg.