Popular Bible Verses from Lùcas 6

Share

Thoiribh, agus thèid toirt dhuibh. Deagh thomhas, air a bhruthadh sìos, air a chrathadh ri chèile is a' cur thairis, thèid a chur nur n‑uchd. Oir leis an tomhas a chleachdas sibh thèid a thomhas air ais dhuibh.”

Bheir duine math math a‑mach à ionmhas math a chridhe, agus an duine olc olc a‑mach à ionmhas olc a chridhe. Oir a‑mach à pailteas a' chridhe bruidhinnidh a bheul.

Ach gràdhaichibh‑se ur nàimhdean, is dèanaibh math, is thugaibh iasad, gun dùil ri rud sam bith air ais, agus bidh ur duais mòr, is bidh sibh nur cloinn dhan Aon as Àirde, oir tha esan còir riuthasan a tha mì‑thaingeil agus olc.

Bithibh‑se tròcaireach, dìreach mar a tha ur n‑Athair tròcaireach.

“Na toiribh breith, agus cha tèid breith a thoirt oirbh. Na dìtibh, agus cha tèid ur dìteadh. Thugaibh mathanas, agus thèid mathanas a thoirt dhuibh.

“Ach tha mi ag ràdh ribhse a tha ag èisteachd: gràdhaichibh ur nàimhdean, dèanaibh math dhaibhsan a tha gur fuathachadh, beannaichibh iadsan a tha gur mallachadh, dèanaibh ùrnaigh airson nam muinntir a tha a' dèanamh tàir oirbh.

Agus mar a bu toigh leibh a dhèanadh daoine dhuibhse, dèanaibh‑se dhaibhsan cuideachd.

Ris an neach a bhuaileas thu air a' ghruaidh, tairg an tè eile cuideachd, agus on neach a bheir do chleòc uat na cùm do lèine‑fhada air ais nas motha. Thoir dhan neach a dh'iarras ort, agus on neach a bheir uat na tha leat, na iarr air ais e.

“Oir cha toir deagh chraobh a‑mach droch thoradh, no a‑rithist cha toir droch chraobh a‑mach deagh thoradh.

Oir tha gach craobh air a h‑aithneachadh o a toradh fhèin. Oir cha chruinnich daoine fìgean o dhroighinn, agus cha mhotha a tha fìon‑dhearcan air am buain o dhris.