Popular Bible Verses from Matayo 27

Share

Ku bwabaire buri haihi kuhika aha shaaha ya mwenda, Yesu yaagamba n'eiraka rihango, ati: Eli, Eli, laama sabakasaani; amakuru ngu; Ruhanga wangye, Ruhanga wangye, n'enki ekyakuntsigisaho?

Omukingo gw'omuri hekalu gwataagukamu ebicweka bibiri okuruga aha mutwe gwagwo okuhika ahansi, ensi yaatengyeta, enkiri z'amabaare zaayatika, ebituuro byaiguka; emitumbi mingi y'abahikiriire abaabaire bagwejegyeire yaazoorwa

Bwanyima Yesu yaagaruka yaagamba n'eiraka rihango, yaahayo amagara ge.

Omukuru w'abaserukare n'abu yaabaire aine nibarinda Yesu, ku baareebire omutsitsa n'ebindi byabaho, baatiina munonga, nibagira bati: Buzima kwo ogu abaire ari Omwana wa Ruhanga.

Okuruga aha shaaha ya mukaaga okuhitsya aha ya mwenda omwirima gwashweka ensi yoona.

Pilaato yaababuuza ati: Mbwenu shi, ngire nta Yesu orikwetwa Kristo? Boona baagarukamu bati: Abambwe aha musharaba. Yaababuuza ati: Ahanki? Ni kibi ki eki akozire? Baayeyongyera kuyomba nibagira bati: Abambwe!