Popular Bible Verses from Matayo 28

Share

N'ahabw'ekyo mugyende omu mahanga goona, muhindure abantu abeegi nimubabatiza omu iziina rya Isheboona n'ery'Omwana n'ery'Omwoyo Orikwera, nimubeegyesa kworobera byona ebi naabaragiire; kandi reeba, ndi hamwe naimwe ebiro byona okuhitsya obu ensi egi erihwaho.

Yesu yaija, yaabagira ati: Mpairwe obushoboorozi bwona omu iguru n'omu nsi.

Kwonka maraika yaagambira abakazi ati: Imwe, mutatiina; ahakuba nimmanya ku murikusherura Yesu obambirwe. Tari aha; ahabw'okuba azookire, nk'oku yaagambire. Mwije mureebe omwanya ahu abaire abyami.

Yesu nikwo kubagambira ati: Mutatiina, mugyende, mugambire bagyenzi bangye baze Galilaaya; okwo niyo barandeebere.

Abanyamurwa nikwo kuteerana abakuru b'abantu, bakahanuura hamwe; ku baaherize, baaha abaserukare empiiha nyingi, baabagambira bati: Mugume mugire muti: Abeegi be baizire nyekiro, baamwiba itwe tugwejegyeire. Omutegyeki ku araabimanye, nitwija kumwikiririsa, tubaiheho orubanja. Abaserukare baayakiira empiiha, baakora nk'oku baahabwirwe; ekigambo ekyo kyabuga omuri Buyudaaya n'okuhitsya hati.