Popular Bible Verses from Matayo 26

Share

Mureebe mushabe, murekye kugwa omu kwohibwa, Omutima gwo nigukunda, kwonka omubiri n'omweremwa.

Yaabagira ati: Omutima gwangye gwine obusaasi bwingi, nibwija kuunyita; mugume aha, nimureeba naanye.

Yairirira kakye omumaisho, yaajuumara ahansi, yaashata ati: Ai bambe Taata, ekikopo eki kimpingure, ku kiraabe nikibaasika; kwonka kitaba nk'oku ndikwenda, kureka nkaiwe oku orikwenda.

ahakuba egi n'eshagama yangye ey'endagaano ensya, esheesheka ahabwa baingi, ngu basaasirwe ebibi.

Ku baabaire nibarya Yesu yaakwata omugaati, yaagusiimira, yaagubega, yaaguheereza abeegi be naagira ati: Mwakiire, murye; ogu nigwo mubiri gwangye.

Yaakwata ekikopo; ku yaaherize kusiima, yaakibaha naagira ati: Munyweho mwena

Yaagaruka aha beegi be, yaashanga bagwejegyeiire; yaabuuza Petero ati: Ebyo mwaremwa kwehangaana kureeba naanye nangwa n'eshaaha emwe?

Nimbagambira nti: Tindinywa hari viinyo y'ebyana by'omuzaabibu okwiha hati okuhitsya aha kiro ekyo, obu ndinywa naimwe viinyo nsya omu mbukama bwa Tata.

Petero yaijuka ekigambo eki Yesu amugambiire ati: Enkoko etakagambire, noija kuunyehakana kashatu. Yaashohora aheeru, yaarira munonga.

Mwimukye, tugyende; reeba, orikundeebya ari haihi.

Yesu yaamuhana ati: Garura rurara yaawe omu kyobati kyayo; ahakuba boona abatwara rurara, baryaitwa rurara.