Popular Bible Verses from Matthew 6

Share

Tavraasii piqaqtinniaġaasi iluqaiññik tamatkuniŋa ilivsi atanniqsimapkaqqaaġuvsi God-mun iñuulusiḷu nalaunŋaruakun.

Taamna tainnainman, uŋiarrisaġinagu uvlaakuksraq, qanuq uvlaakun iñuk uŋiarrisiqaġumiñaqtuq uvlaakun piruanik. Uvluġaġikpan uuktuaġusiat naamarut uvlullaanun.

Tavraasii uqallautigivsi, uŋiarrisiqaġnasi niqiksravsiññik, imiksravsiññiglu iñuusukpaiḷḷusi, naaggaunnii annuġaaksravsiññik. Iñuggun naumałhaaqtuq niqiksraqsiuqsiññaġniġmiñ, suli timi naumałhaaqtuq annuġaaniñ.

Aglaan ilivsi aŋaiyyuguvsi, isiġitchi inauravsiññun aasii umiqqaaġlugu upkuaq aŋaiyyuaqsiḷusi Aapavsiññun nalunaqtuamiittuamun, aasiiḷi Aapavsi tautullaruam nalunaqtuami, akiḷiġñiaġaasi.

Aŋaiyyusitchiasii inna: Aapavut qiḷaŋmiittuatiin, iñuich qiksigilisin. Ilivich atanniqsimakkich iñupayaat. Iñupayaat piḷich pisuutignik nunami, qiḷaŋmi pisuutignik piruatun.

Aitchuqtigut uvlupak niqiksraptiŋnik.

Suli suliqutigiŋaikkich itqaumayumiñaiġḷugich piḷuutivut, uvaguttauq suliqutigiŋaiġmatun itqaumayumiñaiqł̣ugich tamatkua piḷuksiruat uvaptiŋnun.

Suli ikł̣igutchaktinniaqtinnatigut, annautilutalu piḷuktuamiñ. [Qanuq ilivich umialgurutin suaŋŋatiqaqłutin kamanautiqaqłutillu isuitchuamun. Aamian.]

Qanuq suliqutigiŋaiġuvsigik itqaumayumiñaiġḷugich iñuich piḷuutiŋich, Aapavsi qiḷaŋmiittuam suliqutigiŋaiġñiaġmigai itqaumayumiñaiġḷugich piḷuutisi.

Qiñiqsigik tiŋmiat tiŋmiruat siḷami, kanġaqsruiḷaitchut nautchiaksranik naagga kivriḷaitchut katitchiḷaitchullu suġalliqpiŋñun, naaggauvva Aapavsi qiḷaŋmiittuam niġipkaqsimaaġai. Ilivsi akisułhaaqtusi tiŋmianiñ.

Tutquiñasi mattumuŋa nunamun ilivsi piksravsiññik suġaliġnik, qupilġullu qalġuvlu maqutchuugai, suli tigligayuktit siqumutivlutiŋ tigligaġviannun. Aglaan tutquisitchi qiḷaŋmun ilivsi piksravsiññik suġaliġnik. Tatpagmani qupilġuitchuq qaliḷaitchuġlu maqutchiruksranik, tigligayuktaitchuġlu siqumutilutiŋ tigliktuksranik. Qanuq irvianni suġalivsi, tavraniitchugniaġmiusi.

Kiñaliqaa savakkumiñaitchuq malġugnik ataniqaġluni atautchikun, qanuq ilaan uumiginiaġaa igḷua aasii piviaġilugu igḷua. Naaggaunnii qiksiksrautiqaġluni igḷuanun aasii suuŋiḷaġilugu igḷua. Savautiyumiñaitkiksi God suġallagniaġniġlu atautchikun.

Tainnatun God-im qaunagillaniqpagich nauriallu ivgiḷḷu uvlupałhiñaq nauruat aasii uvlaakun qirriutivlugich igniġviŋmun, nalupqinaitchuq annuġaaksraqaqtinniaġaasi. Qanutun ilivsi ukpiġutikisigirusi uŋiariruasii.

Aglaan ilivsi aitchuiguvsi nagliktuutinik, iḷisimapkaġniatagnasi saumiksi nalupkaġmatun suliqitilaaŋanik taliqpivsi. Nagliktuisitchi nalunaqtuakun, aasiiḷi Aapavsi tautullaruam nalunaqtuami akiḷiġñiaġaasi.

Qaunagisitchi piraġausiqaġuŋiḷḷusi nagliktuutivsiññik qiñiqusaaqsiññaġlusi sivuġaŋanni iñuich. Tainnatuaġuvsi Aapavsi qiḷaŋmiittuam akiḷiġumiñaitkaasi.

Suli niġiḷaitkuvsi aŋaiyyuuġlusi, qiññaqaġnasi ipiqtunaqsiḷusi ukpiŋŋuaqtuatun, qanuq ilaisa qiññaġiiḷiraġigaich kiiññatiŋ niġiḷaisilaaqtiŋ tautuquvlugu iñuŋnun. Iḷumun, uqallautigivsi, akiḷiusiaqaaniktut. Aglaan niġiḷaitkuvsi aŋaiyyuuġlusi, allaŋŋuqtiġnagu kiiñaqsi, iñuich naluyumagaat niġiḷaiññiqsi aŋaiyyuuqłusi, aglaan Aapavsi nalunaqtuamiittuam iḷisimagaa, aasii Ilaan tautuaġiruam nalunaqtuami akiḷiġñiaġaasi.