Popular Bible Verses from Matthew 5

Share

Naaggaunnii iñuich ikitchikamiŋ nannimik iḷiḷaitkaat utkusium ataanun, aglaan naniqaġviŋmun, qaummatautquvlugu iñuŋnun iglumi. Tainnatulli qaummatitun qaummaġigitchi nakuurualiqilusi, iñuich tautukkumagaich nakuurualiqiasi aasii nanġaġlugu Aapari qiḷaŋmiittuaq.

Ilivsi iḷitchitqurat qaummatitun ittusi nunam iñuŋiñun. Iniqpak ittuaq qimiqqam qaaŋani tautuŋiññaġumiñaitchuq.

Quviasuglich salummaqtauruat piḷuutipayaamiñ, qanuq tautugniaġaat God.

Quviasuglich tamatkua kipiġniuġutiqałhaaqtuat pisukługich God-im pitqutiŋi, qanuq God-im ikayuġniaġai.

Aglaalli uqallautigivsi, piviuttaġisigik akiḷḷiḷiqsuqtisi suli aŋaiyyutilugich tamatkua nagliksaaqtitchiruat ilivsiññik

Quviasuglich tamatkua iḷisimaruat piqaqtuksrautilaamiŋnik God-im ikayuutaanik, qanuq ilaisa pigigaich God-im umialgutiŋi.

Quviasuglich atisipkaiñiaqtuaguruat iñuŋnik, qanuq God-im taiñiaġai miqłiqtumiñik.

Quviasuglich tamatkua isumaaqpaktuat, qanuq God-im quviasaaġniaġai.

Quviasuglich tamatkua nagliksaaqtitauruat God-im pitqutiŋi pisukługich, qanuq pigigaich God-im umialgutiŋi.

Quviasuglich nagliktauruat, qanuq God-im nagliktuġniaġmigai.

Quviasugitchi iñuich uqamaqłuktautigaluaqpasi nagliksaaqtitkaluaqpasiḷu suli nivlialutiŋ qanusipayaanik pigiitchuanik ilivsigun saglutigilusi pisigilugu maliġuaqtauniqsi uvamnun. Quviasupiaġataġitchi, qanuq aŋiruq akiḷiusiaksraqsi qiḷaŋmi, tainnaptauq iñuich nagliksaaqtinŋammigaich uqaqtiŋi God-im sivuvsiññi iñuuŋaruat.

Quviasuglich piuniaŋitchuat, qanuq ilaisa kiŋuvaaġiniaġaat God-im unniqsuqłiisaa.

Ilivsi iḷitchitqurat taġiutun ittusi nunam iñuŋiñun. Taġiuq taġiuġniiġumi, qanuġluni taġiuġniḷitqigñiaqpa? Taġiuġniiqami, anniqsuutauŋaiqsuq supayaamun aglaan naavillugu aasii iñuich tunmalugilugu.

Tavraasii nalaunŋapiaqtuksraurusi, Aapavsisun qiḷaŋmi nalaunŋapiaqtuatun.

Tavraasii unniqsuqłiiguvsi aŋiġnił̣hiñauli iḷagaluaġnagu allamik uqaluŋmik, naaggaaġnił̣hiñauluniḷu qanuq supayaam uqaluum iḷḷatauruam taapkuŋnuŋa piḷuksipkaqpiaġaasi.

Tusaaŋagiksi uqallautauŋaruaq, Iri akisautiqaġli irimik, kiguttauq kigunmik. Aasiiḷi uqallautigivsi, Akisaqtuġviginagu iñuum pimaqłukpasi. Aglaan kialiqaa iqsraaviñaqpasi taliqpivsigun, mannisiuŋ igḷuanik.

Taliqpium irivsi piḷuksipkaqpasi, iñuusitchi ilivsiññik iraiġḷusi iksiruatun irivsiññik. Iłuałhaaġayaqtuq iraitkuvsiunnii aasii iñuulusi nalaunŋaruakun, timisi suġġaiḷḷugich igitauniġmiñ nagliksaaġviŋmun. Suli taliqpium argavsi piḷuksipkaqpasi, iñuusitchi ilivsiññik taliqpivsiññik argaiġḷusi iksiruatun argavsiññik. Iłuałhaaġayaqtuq ilivsiññun argaiḷḷusiunnii iñuuguvsi nalaunŋaruakun, timisi suġġaiḷḷugich nagliksaaġviŋmuktitauniġmiñ.