Popular Bible Verses from Matthew 7

Share

Aŋaiyyuguvsi, qapiŋaiḷḷusi qiññuaqtuġitchi aitchuusiaqaġniaqtusi, qapiŋaiḷḷusi ivaqłiasitchi paqinniaġiksi ivakkaqsi, qapiŋaiḷḷusi tigluktuġitchi aasii upkuiġutiniaġaasi.

Qanuq iñupayaaq qiññuaqtuqtuiññaqtuaq aitchuusiaqallaruq, suli ivaqłiatuiññaqtuaq paqitchivḷuni, iñuk suli tigluktuqtuiññaqtuaq upkuiġurriqaġniaqtuq.

Iñupayaaq tavra tusaaruaq makkuniŋa uqalumnik aasii kamagivlugich arriqaġniaqtuq isumaturuamik iñuŋmik igluqpiruamik uyaġagruam qaaŋanun.

Tavra qanupayaaq pitquyumaguvsi iñuŋnun, tainnatulli pisigik, qanuq taamna taŋŋiutauruq pitquranun qaisauruanun Moses-kun, iḷisaurrutiŋiññullu God-im uqaqtiŋisa.

Isiġitchi niġukitchuakun isiġiakun. Isiġiaq niġukitchuq siġḷiġnaqtuġlu apqun kaŋŋiññaqtuaq qiḷaŋmun aasii iñukitchut iñuich paqitchiruat tamattumiŋa apqunmik. Aasiivsauq igḷuani iñugiaktuat isiŋagaat niġuturuaq isiġiaq aasii iglauvigivlugu siġḷiġnaitchuaq apqun kaŋŋiññaqtuaq nagliksaaġviŋmun.

Isiġitchi niġukitchuakun isiġiakun. Isiġiaq niġukitchuq siġḷiġnaqtuġlu apqun kaŋŋiññaqtuaq qiḷaŋmun aasii iñukitchut iñuich paqitchiruat tamattumiŋa apqunmik. Aasiivsauq igḷuani iñugiaktuat isiŋagaat niġuturuaq isiġiaq aasii iglauvigivlugu siġḷiġnaitchuaq apqun kaŋŋiññaqtuaq nagliksaaġviŋmun.

Tavraasii ilivsi, nakuuŋitkaluaŋŋavsi, aitchuisuurusi nakuuruanik miqłiqtuvsiññun, qanutułhaaq aasii Aapari qiḷaŋmiittuaq aitchuiyumiñaqtigiruq nakuuruanik tamatkunuŋa qiññuaqtuqtuanun inmiñun.

Qanuqinniġaqłiġñasi allanik, God-ivli qanuqinniġaġniaŋiñmigaasi. Qanuq qanuqinniġaunmik uqallautiqaġuvsi taavrumiŋa qanuqinniġausiaqaġniaqtusi. Qanutchikun qanuqinniġaiguvsi tuniqtusiḷugu naagga tunikiḷḷugu, tainnatuttauq qanuqinniġausiaqaġniaġmiusi.

Aasiisuli iñupayaaq tusaaruaq makkuniŋa uqalumnik aasii kamagiŋił̣ł̣ugich arriqaġniaqtuq isumalluaġiitchuamik iñuŋmik igluqpiruamik qaviam qaaŋanun.

Summan pasivisigik aniqatisi killuliqirualivḷugich ilivsi pigiił̣haaġaluaŋŋavsi? Tainna pikavsi, iñuktun ittusi qirugruaġmik irimiutaqallaġmi irriugauramik piiqsiñiataktuatun aniqanmi iraaniñ.

Nipuŋaitchitchi uqaqtauŋŋuaqtuanik God-mun, qanuq qaisuurut sagluqinnigukłutiŋ qiññaqaqłutiŋ imnaisun anniaqłiḷaitchuatun. Iliŋich ipiaġataqtut kaaksiuruatun amaqqutun anniaqłiġumiñaqtuatun ilivsiññik. Ami iḷitchuġiniaġisi piḷġusiŋisigun, napaaqtututtauq siiġñaŋisigun iḷitchuġimmatun. Grapes siiġñat naulaitchut nauruaniñ kakiḷḷaġnaliŋniñ, fig-giḷḷu siiġñat.

Tavra napaaqtuġiksuat siiġñisuurut siiġñaġiksuanik, aglaan napaaqtuġiitchuat siiġñaġiitchuanik.

Napaaqtuġiksuaq siiġñiyumiñaitchuq siiġñaġiitchuanik, naaggaunnii napaaqtuġiitchuaq siiġñaġiksuanik.

Napaaqtupayaaq nauriḷaitchuaq siiġñaġiksuanik kipisuugaat aasii qirriutivlugu igniġmun.