Popular Bible Verses from EPHESIANS 6

Share

Háálá bitsį' áádóó bidił dahólóonii doo bił da'ahiigą́ą da, nidi doo daat'į́į́góó aláahdi bídahólníihii, áádóó dabidziilii, áádóó díí k'ad nahasdzáán bikáa'gi chahałheeł bee bídahólníihii, índa níłch'i bida'iiníziinii t'áadoo bee néelą́'ígóó yádiłhił biyi' nahaz'ą́ądi dahólóonii bił da'ahiigą́.

T'áá áłahjį' Níłch'i Diyinii bee sodadołzin índa nída'oohkąąh. Díí biniyé t'áadoo ádahodoołzéhí hada'ísídół'į́į́', wołí bee Diyin God bidiyį́į́' t'áá ałtso sodizin bee bá nída'oohkąąh.

Béésh éé' bee na'abaahii Diyin God nihaidiní'ánígíí t'áá át'é bee hadadohne', áko níłch'i bida'iiníziinii binanit'a'í binahagiz bik'ijį' bídanooł'ą́ągo nidasoozį́į doo.

Ákót'é bąą béésh éé' bee na'abaahii Diyin God nihaidiní'ánígíí t'áá át'é bee hadadohne'go tsi'ooldahgo bił yoołkáłígíí bich'į' nidaałdzilgo bídanooł'ą́ą doo, índa ałtso bik'eh dasidoohdlį́į́'dóó bik'ijį' nidi wołí bee nidasoozį́į doo.

Nihe'oodlą' nihinaage' ádeínóhsingo bine' nidaohdzi', áko naayéé' níłch'i bida'iiníziinii binanit'a'í bideezla' diltłi'ii t'áá ałtso bits'ą́ą́' dadínóołtsis. Áádóó béésh ch'ah bee yisdá'iildéehii índa Níłch'i Diyinii bidiltłish nídahidoohnííł, jó, Diyin God bizaad éí diltłish át'é.

Éí bąą t'áá aaníinii bee áká dasoołzaazgo, áádóó ts'ídá t'áá ákogi é'ét'é béésh éé' nihijéíts'iin bąąh nidasooł'ą́ągo nidasoozį́, áádóó hane' yá'át'éehii bee k'é hwiindzinii baa ch'ídahoyoh'aah doo biniyé bee hasht'e'ádadíínółzingo bee kééh dadíínół'eez.

Shik'isóó danohłíinii, díí bee hanáánásdziihgo bee ninisht'ééh, Bóhólníihii bee áádóó yee ayóó ábóodziilii bee danihidziil le'.

Nizhé'é índa nimá nił nilį́įgo íínísin; díí bee haz'áanii alą́ąjį' bee nihoot'áanii bił niilyáii át'é, áko nił yá'áhoot'éeh doo, índa nízaadgóó ni' bikáa'gi hinínáa doo.

Áłchíní danohłíinii, Bóhólníihii binahjį' danihishchíinii bik'eh dahonoł'į́, háálá éí ts'ídá t'áá ákogi é'él'íinii át'é.