Popular Bible Verses from PHILIPPIANS 1

Share

Díí t'áá íiyisí shił bééhózin: Diyin God naanish yá'át'éehii nihiyi' yaa nídiidzáhígíí éí náásgóó nihinaalnishgo Jesus Christ nádzá bijį́įjį' ałtso ła'yidoolííł.

Díí bíká sodiszin: ił ééhózin índa ts'ídá át'éegi ak'i'diitįįh, éí nihe'ayóó'ó'ó'ni' t'áá bił lą'ígo nihee dahólǫ́ǫ doo. Áko yá'ádaat'éehii nihił béédahózingo bee lą́ nida'ayohłeeh doo. Índa Christ nádzá beiníłką́ąjį' yá'át'éehgo nitsídaahkeesgo t'áadoo bee nihik'ídahót'ahí da doo.

Háálá hinishnánígíí éí Christ át'é, áádóó dasétsánígíí éí a'ídeeł át'é.

T'áá nihénínáshnih bik'eh shiDiyin God bich'į' ahééh nisin.

Áyąądą́ą́' Christ baa hane' yá'át'éehii nizhónígo bik'eh deínóhkáah le', áko nihaa níyáago, éí doodaii' doo aadi naasháa da nidi, t'áá aheełt'éego danołdzilgo nidasoozį́įgo áádóó t'ááłá'í nitsáhákees bee hane' yá'át'éehii deinohdlánígíí bee ahąąh deínółdzíiłgo nihaa náhodiists'į́įh doo.

Ts'ídá doo t'óó shaa yáhodoosįįł daígíí t'áá awołí bee bíká shił chohoo'į́įgo neíníshłí, nidi ts'ídá t'áadoosti'ee k'ad hinishná índa t'áá át'é yę́ęgi át'éego hinishnáá léi', doodago éí dasétsą́ą́ léi', t'áá sézį́į́ nít'éé' shee Christ baa ha'niih doo.

Háálá doo t'óó Christ deidoohdląął t'éí biniyé nihik'idahodzisdli' da, nidi Christ bá ti'dahwiidoohnih ałdó' biniyé nihik'idahodzisdli'.