Popular Bible Verses from EPHESIANS 5

Share

Diyin God ba'áłchíní ayóó'áyó'nínígíí danohłį́įgo bida'oł'į́. T'áá Christ ayóó'ánihó'nínígi át'éego ayóó'ó'ó'ní bee dayínóhkááh. Jó, Christ nihá niná'ádeet'ą́ągo łikání halchingo nááhániihii nilį́įgo Diyin God yich'į' náá'ádiisnii'.

Éí bąą ádaa ádahołyą́ągo hazhó'ó dayínóhkááh, diné doo dahóyáaniigi át'éego éí dooda, nidi dahonohsą́ągo dayínóhkááh. Nihá ashja'ósinígíí ts'ídá hazhó'ó chodaoł'į́, háálá doo yá'át'ééhgóó adeesdee'.

T'áadoo wáin áde daahdlání, háálá éí t'óó ádeena'a'né át'é, nidi Níłch'i Diyinii nihii' hadadeezbin le'. Áádóó ałch'į' yádaałti'go Diyin God bizaad biyi'dóó sin, áádóó sin bee Diyin God baa ha'niihii, índa Níłch'i Diyinii bits'ą́ą́dę́ę́' sin nihijéí t'áá át'é bee Bóhólníihii baa dahohniihgo bich'į' dahohtaał. T'áá áłahjį' nihiBóhólníihii Jesus Christ bízhi' bee Diyin God aTaa' bich'į' t'áá ałtsoní baa ahééh danohsin.

Éí bąą t'áadoo yíní ádahodołdiní, nidi Bóhólníihii íinízinii át'éegi bik'idadi'yohtįįh.

Ahastiin danohłíinii, t'áá Christ éí oodlání danilíinii t'áá ła' bizhi'ee ayóó'áyó'níigo yá niná'ádeet'ánígi át'éego nihe'asdzą́ą́ ayóó'ádeínóh'ní.

Háálá łah nihił daatł'éé' nít'éé', nidi k'ad Bóhólníihii bee nihił ch'ída'deezdláád, áko adinídíín ba'áłchíní danohłį́įgo dayínóhkááh.

Diyin God dadíínóhsingo ahídahwíínółnííh.

E'asdzą́ą́ danohłíinii, Bóhólníihii bídahwíínółníhígi át'éego nihahastiin bídahwíínółnííh.

Ákondi t'ááłá'í noozínígo ahastiin danohłíinii, ayóó'ádadíí'nóh'nínígi át'éego nihe'asdzą́ą́ ayóó'ádeínóh'ní, áádóó e'asdzą́ą́ jílíinii hahastiin hoł nilį́į doo.

Díí bąą diné jílíinii hazhé'é índa hamá bits'ą́ą́' dashdidoogáałgo hwe'asdzą́ą́ bił ahaazhdoot'ashgo bił ahił jii'náa doo, áko nizhdilt'é nít'é'ígíí ats'íís t'ááłá'í jidooleeł.

Áádóó chahałheeł biyi' baa da'íldéehii t'áadoo náoodle'í ádaat'éii t'áadoo bee atah danohłíní, nidi doo nihił adaaníígóó yit'íní ádaahłe'.