Popular Bible Verses from Kolose 2

Share

Ko ena kuo mou ‘osi tali ‘a Kalaisi Sīsū ke hoko ko homou ‘Eiki. Mou muimui ai pē kiate ia. Tuku ke aka loloto ho‘omou mo‘uí ‘ia Kalisi. Tuku ke ne hoko ko e makatu‘unga ho‘omou mo‘uí. ‘Ai ho‘omou tuí ke pau, ‘o hangē pē ko homou ako‘i na‘e faí. Pea mou fakafeta‘i ma‘u pē ki he ‘Otuá.

Vakai na‘a takihee‘i kimoutolu ‘aki ha ngaahi ‘uhinga nge‘esi. ‘E ngali mālie nai kiate kimoutolu ha ngaahi ‘uhinga pehē. Ka ko e ngaahi ‘uhinga fakaetangata pē ia ‘oku fa‘u ‘o fakatatau ki he ngaahi mafai ‘oku pule ‘i māmani mo e vavaá, ‘o ‘ikai ko Kalaisi.

Ko e kakai kimoutolu na‘e mate, he ko e kakai kimoutolu na‘e angahala. Pea na‘e ‘ikai ko e kakai kimoutolu ‘a e ‘Otuá. Ka na‘e ‘ai ‘e he ‘Otuá ke tau mo‘ui fakataha pē mo Kalaisi, ‘aki ‘ene fakamolemole‘i ‘etau ngaahi angahalá. He ko hotau tohi mo‘ua ‘i he‘etau talangata‘a ki he Lao ‘a Mōsesé, kuo fakapekia ‘e he ‘Otuá. Na‘á ne ‘ave ia ‘o tukifa‘o ki he kolosí.

He ‘oku fā‘ofale kakato ‘a e ‘Otuá ‘ia Kalaisi. Pea kuo mou hoko ki he mo‘ui kakató, he ko e kakai kimoutolu ‘a Kalaisi. Pea ‘oku mahulu hake ‘a Kalaisi ‘i he ivi mo e mafai kotoa pē.

Vakai na‘a taputapui atu ‘e ha taha ho‘omou kaí, pe ko ho‘omou inú. Vakai na‘a fekau ‘e ha taha ke mou kātoanga Māhina Fo‘ou, pe toe kātoanga hā, pe tauhi Sāpate. He ko e ngaahi ‘ata pē ia ‘o e me‘a na‘e ‘amanaki ke hoko maí. Ko hono kānokató ko Kalaisi ia.