Popular Bible Verses from Kolose 1

Share

He na‘e fakahaofi kitautolu ‘e he ‘Otuá mei he mafai e fakapo‘uli ‘o fakahū ki he pule‘anga ‘o hono ‘Alo Pelé

He ko e fakatupu ‘o e me‘a kotoa pē, na‘e makatu‘unga ‘iate ia, ‘a e me‘a kotoa ‘i langi, mo e me‘a kotoa ‘i māmani, ‘a e ngaahi me‘a hā mai, mo e ngaahi me‘a ta‘e hā mai, ‘a e ngaahi ivi, mo e ngaahi mālohi, pea mo e ngaahi pule, mo e hau, mo e ma‘u mafai. Na‘e fakatupu e me‘a kotoa pē ‘iate ia. Na‘e fakatupu e me‘a kotoa pē ma‘ána.

Na‘e te‘eki ai ke fakatupu e me‘a kotoa peé, kuo ‘osi ‘i ai pē ia. Pea ‘oku tu‘unga ‘iate ia ‘a e fema‘uma‘utaki ‘a e me‘a kotoa pē.

Ko Kalaisí, ko e ‘ata totonu ia ‘o e ‘Otua ta‘e hā maí. Ko e ‘Alo pē ‘e tahá ia. ‘Oku hulu atu ia he me‘a fakatupu kotoa pē.

Pea talu ‘ema fanongo aí mo ‘ema hūfia ma‘u pē kimoutolu. ‘Okú ma kole ki he ‘Otuá ke ne fakahā atu ‘a e me‘a kotoa ‘okú ne finangalo ke mou faí, mo ‘oatu ‘a e poto mo e maama kotoa pē ‘oku ala faka‘inasi ‘aki kimoutolu ‘e hono Laumālié. ‘E hoa ai ho‘omou mo‘uí mo e finangalo ‘o e ‘Eikí. Te mou fai ai ha ngaahi ngāue ‘e fakatupu hōifua kiate ia. Pea ‘e tupu fakautuutu ai ho‘omou maheni mo iá.