Popular Bible Verses from LUK 7

Share

Tuaziehin ka hing hil ahi, akhelna tampite ngaidam ahita, amanu’n nahpitaha ahing it zieh in, hinanleh ngaidam tawmten a it tawm uhi,” achi hi. Tuachi’n Aman numeinu kungah “Na khelnate ngaidam ahita,” achi hi.

Tuachi’n Aman numeinu kungah, “Na ginnain ahing hundamta hi, hamuong tah in pei ta’n” achi hi.

Anualang ah akengbul ah kap kawmin adinga akephangte ahitui in asawp pieh a, asam in asia a, akephang atawp a, thau namtui anu hi.

Tuaziehin kei zong na kunga hing haw taahin ka kisim sih hi. Hinanleh athuin gen poulachin ka suohpa adam mai ding hi. Aziehpen Kei zong mi thunuoi a um ka hi a, ka nuoi ah galkapte a um ua, khat kungah peiin, ka chi leh apei a, tualeh adang khat kungah, hing peiin, ka chi leh ahing pei hi; tualeh ka suohpa kungah tami bawlin, ka chi leh abawl hi, achi hi. Jesu’n tam thute azah in, amapa khu lamdang asa mama a, akihei kuol a, mipi ama zuite kungah “Ka hing hil ahi, Israelte lah ah zong hichi va-ia a ginna thupi ka mu kha mawngmawng sih hi,” achi hi.

Tua hun lai tahin chinate hipi veite, dawi matte tampi asudam a, tualeh mitto tampite zong amit uh avah sah hi. Jesu’n adawnga akung uah, “Peita unlen na sil mute u’leh na zahte uh Johan vahil un; mittote mit ahing vahta a, Kengbaite kengin ahing peita ua, phate ahing siengthouta ua, bilbingten ahing za theita, mishite kaithawin a umta ua, tualeh mi gentheite kungah khantan hoi genin a umta hi.