Popular Bible Verses from LUK 6

Share

Pia un, tuachi’n pieh in na um ding uh, hoitaha tein, namdet inlen, loh thopin, tuachi’n adimlet in na angsung uah pieh in na um ding uhi. Aziehpen na tena mama un ahing kitepieh ding hi,” achi hi.

Mi hoi in alungtang goubawm hoi akipat in sil hoi ahing pawtkhe sah zel a, tualeh migilou in alungtang goubawm sie a kipat in sil hoilou ahing pawtkhe sah zel hi, aziehpen lungtanga dimval kam in agenkhe zel hi.

Hinanleh na melmate uh it unlen, bangma mu kia ding kinem louin palasah un, tuahileh na nuomman uh athupi dinga; Tungnungpen tate na hi ding uhi. Aziehpen Aman kipahna dan theiloute leh migiloute ahepi hi.

Tuazieh in na Pa uh mi hepi asiem bangin noute zong mi hepi siem un.

“Thukhen sih un, tuachi’n thukhenpieh in na um sih ding uhi, mawpai sih un, tuachi’n mawpai in na um sih ding uhi, tualeh ngaidam un tuachi’n ngaidam in na um ding uhi.

“Hinanleh nou ka thu ngaikhete kungah kang hil ahi, na galte uh it unlen, ahing mudate tungah silhoi bawl un. Nou hing hamsiette guolzawl unlen, ahing simmawte thum pieh un.

Tualeh miten na tung ua abawl dinga na dei banguh mi tungah zong bawl un.

Na pheta hing behpiehte kungah alangkhat lam zong dawin, tualeh na puonzal hing lahpiehpa kungah na puonah zong it sin. Na kunga hing ngen pouma pie inlen, tualeh na neitah hing lahpiehpa kungah ngenkia nawn sin.

“Sing hoi gasie a ga a um ngai sih, sing sie lah ga hoia ga a um sih hi.

Singchin amauh ga chiet ah akithei hi. Mi’n lingkung ah theipi alou ngai sih ua, tualeh lingnoh lah ah grep alou ngai sih uhi.