Popular Bible Verses from LUK 8

Share

Hinanleh lei hoia kete pen, thu khu za a, lungtang hoitah leh za um tah a pomdet thuohhatna toh ga suongte ahi uhi.

Tualeh loulingnei lah a kete ahileh, thu azah nua un apei ua, khosah dingdan ngaituonate, hausatnate leh damsung nopsahnate’n adep a, aga piching ngai sih uhi.

Hinanleh suong tunga kete ahileh azah tah ua thu kipah tah a pom paite ahi ua, hinanleh tamten bulbal anei sih ua, bakhat sung agingta ua, solna atuoh chieng un apua pai zel uhi.

Tuachi’n Aman akung uah, “Na ginna uh hei a um ahiei?” achi hi. Tuachi’n a zau ua lamdang asa mama ua, “Tam mipa koi ahiei? Aman huipi leh tui nangawn thu apie a, Athu aman mai uh” akichi uhi.

Tualeh lampi gei a kete khu thu zakhate ahi ua, tuachi’n diabol ahing pei a agintat lou ua, hundam ahi thei louna ding un, alungtang ua kipat thu khu alah mangpieh zel hi.

Akiphuonglou dinga im bangma a um sih a, tualeh theilou ding leh langlou dinga phuolguh bangma a um sih hi.

Tuachi’n numei in akiphuol thei sih chi athei in chitun pumpumin ahing pei a, amaiah akhupboh a, akhoina zieh leh thakhat a adamtah dan mi zousie masangah agendohta hi. Tualeh Jesu’n akungah, “Tanu lungnuom tahin um in; na ginna in ahing damsahta hi, hamuong tah in peita’n,” achi hi.

Tuachi’n akungah ahing pei ua, aphawng ua, “Siepa, Siepa, mangthang ding ka hita uh” achi uhi. Tuachi’n Ama ahing thou a, huipi leh tui kihot khu aphawhta a, tuachi’n atawp ua tualeh asipta uhi.