Hechos 11
11
Pédru aiangpentasti ambe enga xáni ima úka
1Jesusiri uandakua páricha ka erachicha engaksï Judea jápka, mítesptiksï eskaksï no judiuechajtu Diósïri uandakuani p'iraspkia. 2Jimboksïsï mínda jukaricha Pédru jinguni, mámaru ambe arhirperani jápti jiájkani enga Pédru Jerusaleni karhamantapka, 3arhijperaxaptiksï:
–¿Andirisï no mínda jukarichani inchaakukua? ¿Andirisï imecha jinguni t'irejki?
4Ka Pédru aianguantaaspti eskamendu na úkorhepapka:
5–Ji Jópe uandamukukorhexapka, ka jánhaskaspka: K'éri takusïni jásï ma exespka enga t'ápuru jórhupka enga auandarhu uératini kétseni jápka jíndeni andarherani. 6Engani sési exeka, jimaksï jarhaspti iámendu járhati manakorhericha, engaksï t'ámu jantsiri jukaaka ka engaksï antsikukorhejka ka káraticha. 7Ka kurhaaspka uandakuani ma engarini arhini jápka: Pédru jauara, uandikua ka auantsï. 8Ka ji arhispka: Acha, nómbe, jimbokani ikichakua ambe nóna méni ts'émuska. 9Ka ménderurini uandakua auandarhu uératini arhispti: Ambe enga Diósï sési jájkuka, t'u ásï arhi eska ikichakueska. 10I ambe tanimu xanhari uéntaspti ísï úkorheni, ka tátsekua iámendu ambe karhanchetanhantaspti. 11Ka jimajkuksï niáraspti tanimu acheticha imani k'umanchekuarhu engani ji jájkuarheni jápka, engaksï Sesarea uératini axanhapka jíndeni jirinhantani. 12Ka Espiriturini arhispti eskani no jámapiringa tsimanitsimanearhani, eskani nipiringa imechani jinguni. Ka pámbesptijtsïni íksï kuímu erachicha, ka achetio máchi inchaspka, 13engajtsïni aianguntapka na enga chéni jémbo ánjelini ma exepka enga anhandetini jápka ka arhini: Axaa máru Jópe, eskaksï niuaka Simonini p'irani, imani engajtuksï Pédru arhijka; 14imakini arhiaati uandakuechani engari jimbo chénio anapuecha jinguni p'ímutantskateuaka. 15Ka engani uénapka uandani, Espiritu Sántu imechani andajtsïkueraaspti, ísï eskajtsïni urhetku juchantsïni na andajtsïkuerapka. 16Ka jiájkani míjpaspka enga Acha uandapka: Juánu sési jimbo itsï jimbojku itsï atajtsïkpesti, k'óru chájtsï Espiritu Sántuni jimbo itsï atajtsïkunhaaka. 17Enga Diósï imechantu nitarhetaaka eskajtuksï ima Espiritu Sántuni p'iuaka májkueni eska jucha engachi Acha Jesukristuni jakajkuka, ji ambexamendueskini, ji no úpiringa Diósïni ójkutani jarhani.
18Ísï kurhanhatini pínamanhaspti ka Diósïnksï k'éri ambe arhispti:
–¡Sési jimbochka Diósï no judiuechankusï sésekua íntsaasti eskaksï móataaka, ka eskajtuksï méntkisï anapu ambakiti tsípekua jatsiaka!
Antiokia tángorhenhantasti
19Ka ima engaksï etsakurhitini jámani jápka jiájkani engaksï Estebanuni atapka, máruksï Fenisia niraspti ka máteruksï Chípre ka máteruksï Antiokia isï niraspti, ka judiuechantkuksï uandakuani aianguantasïrempti. 20Ka imechani jingunksï jámaxapti máru Chípre ka Sirene anapuecha, engaksï Antiokia niáratini gríeguechani Acha Jesusiri ambakiti aiangperakuani aianguantaapka. 21Ka Acheri uinhapekua imecha jinguni jarhaspti, ka uánekuaksï jakajkuspti ka Achanksï andarhentaspti.
22Tángorhekua enga Jerusaleni jápka mítespti íni ambe ka Bernabenksï Antiokia axaspti. 23Enga Bernabe niárapka, ka exerini Diósïri kóntperakuani, kánekua tsípespti ka iámenduechani p'ímarheaspti eskaksï mintsita jinguni Acha jinguni japiringa. 24Ima acheti jarhojpiri mésti enga Espiritu Sántuni uinirhekorhetini jámempka ka Diósïni kánekua mintsikasïrempti. Ka uánekuaksï Acha jingunintaspti.
25Tátsekua Berbabe Társu niraspti Sáuluni jirinhantani ka enga exentapka Antiokia páspti. 26Ka jimaksï tángorhentaspti ma uéxurhini, ka uánekuechanksï jurhendaaspti. Ka Antiokiaksï uénaspti imani engaksï Jesusini mintsikempka: “Kristianuecha” arhiani.
27Ima jurhiatekuechani jimbo, Diósïri uandarichaksï máru Jerusaleni uératini Antiokia kétsemaspti. 28Ka jauaraspti ma uandani enga Agabo arhinhempka, jánhastpexapti Espiritu jimbo eska ma parhakpeni k'éri k'arhingua japiringa; ka ísï úkorhespti jiájkani enga Kláudio irechepka. 29Ka Antiokia anapu jakajkutichaksï, pakatperaspti eskaksï mándani arhini ambe engaksï sáni úpiringa, Judea anapu erachichani axakuapiringa; 30ka Bernabe ka Sáulu jiniguksï Jerusaleni anapu jakajkuticheri urhejtsïkurichani ambe axakuaspti.
Избрани в момента:
Hechos 11: BI-PURHE
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Biblia en P´urhépecha, Michoacán, México © Sociedad Bíblica de México, A.C.