Amós 9
9
Nutno gak wara raw yel korchis ke Xanllon
1Brera Xanllon ze'e kwit bkuyen, na gulle'e nada':
Brall raw wdup ka' nench'na xiz reij ka',
nench'na wtekon be'nn ka'
na be'nn ka', gut ake' le ake' konen spad,
lakse cha waxhonjdo ake', axha ni tiche bi wara.
2Lakse cha wallja'koach ake' gazerawze nak zitj ke yell-li'on,
gana' wabaj ake',
lakse cha chep ake' chkwia ke le yeba ka',
gana' waxhexja ake'.
3Na cha llajkoach ake' raw ya' gan nzi Carmelo,
gana' walljadirj ake',
na cha llkoach akre nada' lo nisdaw zitjen,
gana' wsela to bel'snia nench'na wxhoxjba le ake'.
4Na cha be'nn ka' llwiere ren, wchach ake' re' yellen,
gana' wsela be'nn ka' nench'na gut ake' re' konen spad.
Na seteza wia'a re',
nench'na gak dakenxhie kere, na bi gakrena re'.
5Xanllo Diozen nap doxhente yelwaken,
llgane yell-li'on, na to llayonzen,
na bell be'nn ka' sjalla rawen,
na yell-li'on to llepen, na to llaben,
kan llun yeo Nilo dan de Egipton, to dlli'on to llayachen.
6Xanllon ba benee to yo' ke'e le yeban,
na brekwe ranen raw yell-li'on,
le'en llaxhe'e nis dan de lo nista'on,
na lloazjen raw yell-li'on.
Xanllo, kan nzi le'en.
7Xanllo Diozen ba bnee:
Be'nn Israel, bi llakra nada' ke nakre nllare,
tuz ke llrera re' konen be'nn Etiopía ka'.
Kan benksa babaja re' Egipton,
kaksen babeja be'nn filisteos ka' gan nzi Creta,
na be'nn arameos ka', gan nzi Quir.
8Xanllon llwie'e nakre be'nn wen daxhinj, na ne:
walana re' raw yell-li'on,
axha bi wlleyia yoyte xhi'nn xhasoa Jacoben,
Nada', Xanle, ba bnia ka'.
9Nada' wsela da wtatinkoa yell ke Israelen,
kan llun ake' lltatinkw ake' trigon keten lla'be aken'na,
na ni tich nbazen bi llexjen raw yu.
10Yoyte be'nn wendaxhinj ka' sjalla raw yell kian,
kweyi ake' konen spaden.
Na yoyte be'nn ka' ne: Bitbi dani gak keto,
na da maren bi wadxhenen neto'.
Israelen wayakcha'on willjwani
11Ket llin lla'na, walisa yo' ke Daviden. Waseija tin ka', na walisa da ka' ba bayinjen, na wayonchawan kan naken batna, 12Na kanake da ka' ba'bagon ke Edomen, na yoyte latj yell-liw ka' yela, da ka' ba guk kia, na wayaken ke Israelen dayubre. Kan ba bnee Xanllon.
13Baza lla ka' keten gat yajlaw da warapre, na nike ne' wayullze warapre, ket ba bllinte lla gazre dayubre, na nike ne' wayullze gunchawre zu ke uvan, ket llinte lla wayazre dayubre. Raw yoyte ya' ka', na raw rum ka' llirj xis uvan ke dllirj nis. 14Ket llin lla'na, wazjaxhia be'nn yell kia Israelen, na wayunchaw ake' yell ke ake' ka', na cha ake' rawen, gaz ake' yay uva, na yej ake' xisen, na lekse ka' gaz ake' yay xhixh, na gaw ake' daxhixh ka' kwia rawen. 15Nadksa kwina wazoa le ake' raw yell-liw ke aken, na chras nutno gak wachach le ake' raw yell-li'on dan ba be'e aken, kan ba bnee Xanllo Diozen.
Избрани в момента:
Amós 9: ZPUPAT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте