Amós 8
8
Twit daxhixh da baweda'
1Danin broe Xanllo Diozen nada': Zu to wit daxhixh da baweda', 2na le'e bnabre nada':
¿Bi llrero Amós?
Na ballia xtillen, llrera twit daxhixh da baweda'.
Na Xanllon gulle'e nada':
Israelen bawedan, na ni yeto raz bill wazixhena ke ake'. 3Ket llin lla'na, da ka' llul ake' yoda'on wayaken da koell yiach ake'. Be'nn zan kwis kweyi, na llilliteze walljazal ake' be'nn wat ka' gateze. Kan ba bnee Xanllon.
Gawchochze baze llan gak yel korchis ke Israelen
4Lewzenayian dani: re' llsakzire be'nn yiach ka', na be'nn ka' bitbi sjanap raw latj ke yell-liw ni, 5na re' lle loelljre: ¿Bat terize lni' ke beo llenen', na tedo xman ke llasabden nench'na got'llo nbas ka' lsake, na wazachllo dan dllixhllon, na gunlenllo llin xgons dan bi llwalcha'on. 6Wrajchekllo be'nn yiach ka' xte got'te kwin ake' nench'na wayixhj ake' da ka' llbay aken, lakse cha llbay ake' chkoe warach, na got'rentello xlakw nbas ke trigon. 7Axha nada' naka Dios ke Israel: Chras bi galalla ke da maren llunlen.
8¿Bi xisrize yell-li'on xtol dani?
¿Bi koellyiach yoyte be'nn ka' sjalla raw yellen cha?
Yell-li'on to chepen, na to waben,
kan llun yeo Nilo dan de Egipton, to llepen, na to llaben.
9Xanllon ba bnee, ket llin llan,
wawill'na wakoacha raw willen,
na tellan wayaken xchul raw doxhente yell-li'on.
10Wayuna lni' ka' llunlen, ke ga llat be'nn,
na da ka' llulren, wayaken da koell yiachre,
guna ke su re' da sdeb,
na yekoante yidze yichjren dan suyiachren.
Na koellre kan bell be'nnen gut xhi'nne tichen,
to niachraz gak keten llin llan.
11Zaa lla ka', ba bnee Xanllon,
na wsela win raw doxhente yell-li'on,
kere ke pan, ni kere ke nis,
axha da biltunre ke lloa xtill Xanllon.
12Be'nn ka' ta ake' gateze,
wayirj ake' lloa xtill Xanllon,
llajta ake' lloa nisdaw ka',
chej ake' no rale, na du gan llra' will,
axha bi wallel akren.
13Bi nor weo nbaraz ka', na bi biew ka' sjanak bi waren
to gakyid aksbe ke lla'na, kanake dan llbil'rall akben.
14Be'nn ka' nxenlall loe lsak ke Samarian,
na ne ake' kone yelnban ke dios ko'o rwe' Dan,
na konen yelnban ke dios ka' sjalla Beerseban,
yal ake' na bill wayas akze chras.
Избрани в момента:
Amós 8: ZPUPAT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте