ПошукіУзор

Твая вера ў тое, Кім ёсьць Бог, і - у Ягоным сьвятле - у тое, кім ёсьць ты, зьяўляецца грунтоўнай ня толькі дзеля блізкасьці, але таксама і дзеля перамогі. Прачытай Другі Закон 33:29 яшчэ раз і ты ўбачыш, што шнуры перамогі ды таясамасьці туга зьвязаныя разам. Сыны Ізраілевы маглі наступаць на шыі сваіх ворагаў толькі праз шчыт і меч іхняга Бога.

Падабенства для вернікаў Новага Запавету ў Эфэсцаў 6:10-17 проста выдатныя.

Спалучы іх разам:

Кожная параза Божага дзіцяці ў баі можа быць патлумачанай адной зь дзьвюх прычынаў:

1) Мы яшчэ таму не навучыліся або 2) Нас падманулі. Нашыя перамогі ды паразы стымулююцца нашымі перакананьнямі. Гэтак жа і глыбіня нашае блізкасьці з Богам.

Кожнага разу, як мы абіраем зграшыць, мы верым мане, якая гучыць прыкладна так: “Гэты сьвет дае, а Бог адбірае”. Біблія зьяўляецца нашым цьвёрдым падмуркам, калі мы шукаем праўды пра Бога, саміх сябе, нашую мінуўшчыну, нашую будучыню, іншых людзей, нашых ворагаў, пра гэты сьвет і наступны сьвет. Дзеля таго, каб хадзіць у праўдзе як Божае дзіця і магчы заўважаць добра складзеныя хлусьні, адглянцаваныя да бляску зьмеем, пачні экзамэнаваць твае перакананьні гэткім пытаньнем: Хто табе тое сказаў? Пастыры, духоўныя апекуны й настаўнікі ёсьць нам дарамі, і мы павінны квітнець з дапамогай іхных настаўленьняў. Але на іх можна спадзявацца толькі настолькі, наколькі тое, што яны кажуць, адпавядае таму, што кажа Бог.

Вядома, мы ня вучымся нашае таясамасьці толькі ад пастыраў ды настаўнікаў.

На нашую таясамасьць таксама ўплываюць бацькі, браты й сёстры, аднагодкі, трэнэры, заканадаўчыя ворганы, школы, досьвед, асяродзьдзі ды страхі. Вось прыклад інтэрвію, каб зрабіць гэта больш зразумелым:

Раскажы мне штось пра сябе. Ну, я бязглузды. Мне ніколі ня шчасьціць. Я неахайны. Заўсёды кідаю грошы на вецер. Непрыгожы. У мяне немагчыма закахацца. Ня маю здаровага розуму. Я няўдачнік.

Хто табе тое сказаў? Мая маці.

Ці гэта сказала твая былая дзяўчына? Твае аднаклясьнікі? Твая хвароба? Ты сам?

Каб хадзіць у праўдзе здаровым, ты мусіш адсачыць кожнае “Хто табе тое сказаў?” да Бога ў Сьвятым Пісьме, і калі яно таму не адпавядае, то ты павінен выкінуць яго. Адам ды Ева паверылі ў ману і пацягнулі з сабой чалавецтва назад у пыл. Іхняя параза была хуткай ды цяжкай, і ўсё дзеля нейкай фальшывай таясамасьці. Падман заўсёды зьяўляецца злодзеем.