Атрымаць прыкладаннеПошукіУзор
Мы з табой тутака на прагулянцы. Дык уяві сабе доўгі паход з заплечнікамі зь нейкім чалавекам, дзе асноўнае правіла - гэта свабода размовы, але без пытаньняў. Можаце гутарыць, пакуль языкі не адсохнуць, але ніякіх распытваньняў. Нельга нават проста спытацца: “Як сябе адчуваеш?” або “Хочаш есьці?” Пэўны час абмен паведамленьнямі будзе працаваць добра, але раней ці пазьней вы зусім перастанеце размаўляць адзін з адным. Вы папросту будзеце слухаць адзін аднаго. Гэта не дыялёг, а маналёг. Наслухаўшыся досыць маналёгаў, нават найлепшыя слухачы кідаюць слухаць.
Калі завядзёнка не зрабіла з нас люнатыкаў, то нашае хаджэньне з Богам мусіць быць пошукамі. А пошукі ня ёсьць пошукамі без пытаньняў. Ва ўзаемаадносінах з Богам элемэнт пытаньня зьяўляецца найцікавейшым. Па-першае, Ён не адказвае нам голасна і ня піша на небе, як нам таго хочацца, калі мы нечага ў Яго пытаемся. Аднак Ён напісаў на скрутку больш адказаў, чым мы здолеем зразумець за ўсё нашае жыцьцё.
Мы акрэсьлілі пяць боскіх пытаньняў, якія - калі мы адважымся адказаць на іх - здолеюць перайначыць ды аднавіць адносіны з Богам, што былі падарваныя, прыйшлі ў тупік або страцілі энтузіязм альбо цікавасьць. Пачні завучваць на памяць гэтыя пытаньні. Хай яны гэтак шчыльна засядуць у тваёй галаве, што ты зможаш пералічыць іх у сьне. Першыя два задаюцца Богам Бацькам, астатнія тры задаюцца Сынам Ісусам. Некаторыя былі скарочаныя дзеля лягчэйшага запамінаньня.
“ДЗЕ ты?” (Быцьцё 3:9)
“ХТО сказаў табе тое?” (Быцьцё 3:11)
“ЧАГО шукаеце?” (Яна 1:38)
“ЧАМУ вы спалохаліся?” (Мацьвея 8:26)
“КУДЫ БОЛЕЙ…?” (Лукаша 11:13)*
Хоць на тваіх далейшым шляху табе будуць трапляцца іншыя пытаньні, адказы на гэтыя пяць будуць зыходным пунктам, да якога ты зможаш вяртацца дзеля разважаньня ды ацэнкі.
У наступныя некалькі дзён ты будзеш займацца гэтымі пытаньнямі. Але рэч вось у чым.
Вынікі гэтага падарожжа не перавысяць тваю шчырасьць. Іхняя глыбіня будзе прапарцыянальнай тваёй шчырасьці. Дазволена ўсё, акрамя няшчырасьці.
Гэта зьменіць твае адносіны з Богам.
*Некаторыя пераклады Бібліі ставяць пытальнік або кропку ў канцы Лукаша 11:13, а некаторыя ставяць клічнік дзеля націску.
Сьвятое Пісьмо
Аб гэтым плане
У гэтым сямідзённым пляне чытаньня, Бэт Мор выкарыстоўвае пытаньні са Сьвятога Пісьма, каб дапамагчы табе наблізіцца да Бога, Які ведае цябе найлепш. Загнуты знак прыпынку ў канцы сказу кажа пра цікаўнасьць, дапытлівасьць і, магчыма, сумнеў. Пытаньне - гэта запрашэньне да ўразьлівасьці, да блізкасьці. Біблія не саромеецца гэткага запрашэньня. Зноў ды зноў мы назіраем, як Божыя людзі задаюць пытаньні свайму Стваральніку. Таксама назіраем, як Бог усяго сусьвету задае пытаньні Свайму стварэньню. "Пошукі" -- гэта выклік прыняць запрашэньне. Навучыся вывучаць Божае Слова, адказваць на пытаньні Бога да цябе й зьвяртацца да Яго з тваімі пытаньнямі. Хай загнуты знак прыпынку будзе мапай, якая вядзе цябе да больш блізкіх адносінаў з Бацькам.
More
