Давер, мітусьня ды супакойУзор

Мітусьня

На працягу апошніх некалькіх дзён мы разважалі пра раўнавагу, якую мы як пасьлядоўнікі Хрыста мусім знайсьці ў нашай працы паміж даверам Богу і энэргічнаю дзейнасьцю дзеля таго, каб дасягнуць пэўных вынікаў у абранай сфэры. Як мы ўбачылі ўчора, Саламон прапанаваў пасьлядоўнасьць дзеяньняў, якою мы можам кіравацца ў нашых поглядах, і якая пачынаецца з ускладаньня нашых справаў на Госпада (Выслоўі 16:3). У дзявятым вершы таго ж самага разьдзелу Саламон заклікае нас да энэргічнае дзейнасьці, кажучы: “Сэрца чалавека абдумвае шлях свой, але Госпад накіроўвае крокі ягоныя”.

Так, Бог паклікаў нас давяраць Яму, але Ён таксама ласкава даў нам розум на плянаваньне ды выкананьне. Як толькі мы ўсклалі нашыя справы на Госпада, мы павінны энэргічна дзейнічаць, працаваць “ад душы, як для Госпада, а не для людзей” (Каласянаў 3:23).

Баюся, што мы, пасьлядоўнікі Хрыста, зачаста засяроджваем нашую ўвагу альбо на даверы, альбо на энэргічнай дзейнасьці. Некаторыя хрысьціяне выкарыстоўваюць выраз “чакаць Госпада” ў якасьці дазволу на небіблійную ляноту, а іншыя мітусяцца гэтак старанна, што яны хварэюць фізычна, духоўна ды эмацыйна. Прыгажосьць вершу Выслоўі 16:9 заключаецца ў тым, што ён, бясспрэчна, ухваляе раўнавагу паміж гэтымі дзьвюма ісьцінамі. Так, мы мусіць разумець, што “Госпад накіроўвае нашыя крокі”, але нам варта таксама й “абдумваць наш шлях”, праектаваць, будаваць, ствараць мадэлі, распрацоўваць, маляваць, уводзіць навіну, пісаць, рэклямаваць і прадаваць.

Нашая праца - гэта адзін з асноўных спосабаў любіць нашых суседзяў і служыць сьвету. Памятайма, праца існавала яшчэ да таго, як у Эдэмскім садзе адбылося грэхападзеньне. Праца па сваім характары зьяўляецца добраю рэччу, якую Бог распрацаваў дзеля адкрыцьця Свайго характару, любові й служэньня іншым. З гэтае прычыны, амбіцыі, якія падштурхоўваюць нас да мітусьні, могуць быць добраю рэччу. Але як мы ўбачым заўтра ў апошнім дні гэтага пляну, сапраўдны адпачынак прыходзіць толькі тады, калі нашая мітусьня суправаджаецца даверам Богу.