ДабраславёныУзор

«Шчодрасьць»

Богу ўласьціва даваць, і ўсё, што Ён робіць, Ён робіць велікадушна. Гэтаксама, мы павінны жадаць быць сапраўды шчодрымі ды дазваляць нашаму жыцьцю быць крыніцай дабраславеньня дзеля іншых. Шчодрасьць не заключаецца ў тым, колькі вы маеце. Да таго ж, яна не праяўляецца толькі ў аднаразовым учынку. Сапраўдны дух шчодрасьці – гэта стыль жыцьця.

• Лад бачаньня
«Хто мае добрае вока, той будзе дабраслаўлёны, бо з хлеба свайго дае ўбогаму». (Прыповесьці 22:9).
Добрае вока будзе бачыць ня толькі сябе, але і магчымасьці дабраславіць іншых. Заміж таго, каб сядзець ды крытыкаваць іншых, шчодры духам будзе ахвотна верыць у лепшае.

• Лад думаньня
«А сумленны і думае пра сумленнае…» (Ісаі 32:8).
Калі шчодрасьць – лад думаньня, то чалавек заўсёды будзе прыдумляць спосабы дабраславіць іншых. Бог убачыў патрэбу сьвету і прыдумаў шчодрую стратэгію. Яна называецца Эвангельле, што азначае «добрая навіна».

• Лад жыцьця
«...і цьвёрды ва ўсім, што сумленнае» (Ісаі 32:8).
Калі шчодрасьць – лад жыцьця, то яна становіцца нашай пазыцыяй. Гэта ня праца, аднаразовы ўчынак або непрыемны абавязак. Гэта лад жыцьця. Бог абяцае, што чалавек з «добрым вокам» будзе й сам дабраславёны.

Божае Валадарства датычыцца ўсяго Ягонага валадарства – як у небе, так і на зямлі. Мець дух Валадарства азначае мець мару, большую за вас – вы заўсёды будзеце прыдумляць шчодрыя стратэгіі ды пляны дзеля таго, каб дапамагчы іншым.

У ВАШЫМ ЖЫЦЬЦІ
Шчодрасьць – гэта ня толькі ўчынак, але й лад бачаньня, думаньня ды жыцьця. Да таго ж, гэта Божая воля для вас. Таму шукайце магчымасьцяў дабраславіць іншых, прыдумляйце шчодрыя стратэгіі ды дапамагайце людзям навокал вас у імя Ісуса!