ДабраславёныУзор

“Дастатак”

Яшчэ адно абяцаньне Бога — што ў вашай хаце будуць багацьце ды дастатак. Ведаю, што ёсьць людзі, якія б чуліся больш спакойнымі, калі б у гэным вершы было сказана, што багацьце ды дастатак будуць у сэрцы, а ня ў хаце. Такім людзям цяжка зразумець той факт, што дастатак — гэта Божае абяцаньне для іхняга жыцьця.

Аднойчы адзін мой сябар меў гутарку з пастарам, які крытыкаваў такое мысьленьне, аднак распавёў, як адчайна ягонай царкве быў патрэбны моладзевы пастар, але царква ня мела дастаткова сродкаў, каб яго наняць. Бачыце, бяз грошай цяжка зьдзейсьніць задумы аб Божым Валадарстве, якія ёсьць у вашым сэрцы (ня важна, ці вы хочаце рабіць тое як царква, бізнэс або сям’я).

Некаторым хрысьціянам не падабаецца ідэя быць дабраславёнымі, бо яны мяркуюць, што багацьце ды сквапнасьць — аднолькавыя рэчы. Насамрэч, гэта ня так. Наш Нябесны Бацька, як і ўсе ласкавыя бацькі, ня мае нічога супраць таго, каб Ягоныя дзеці мелі грашовыя дабраславеньні. Але ж памятайце, што багацьце ды дастатак зьяўляюцца толькі адным аспэктам жыцьця ў дастатку, бо тое азначае болей, чым папросту матэрыяльныя нажыткі. Ян напісаў: “Любасны! Малюся, каб табе здаровілася і шчасьціла ва ўсім, як шчасьціць душы тваёй” (3 Яна 1:2).

Па-сапраўднаму заможны чалавек жадае мець Божую паўноту ў кожнай сфэры свайго жыцьця і разумее, што Бог дабраслаўляе яго дзеля таго, каб ён змог дабраславіць іншых. Як сказаў Ісус у Яна 10:10, “Злодзей прыходзіць толькі дзеля таго, каб украсьці, забіць і загубіць; Я прыйшоў дзеля таго, каб мелі жыцьцё і мелі ўдосталь.”

У ВАШЫМ ЖЫЦЬЦІ
Бог жадае, каб вы мелі дастатак у кожнай сфэры вашага жыцьця — як фізычна, так і духоўна. Ён радуецца, дабраслаўляючы вас, бо праз дастатак Ягонага жыцьця ў вас, вы можаце дабраслаўляць іншых! Прымеце гэтую праўду сёньня.