ДабраславёныУзор

“Дабраславеньне”

“Дабрашчасны (шчасьлівы, дабраславёны, каму зайздросьцяць) муж, што баіцца (пакланяецца й глыбока шануе) Госпада і шчыра любіць Ягоныя запаведзі.” Гэтак пачынаецца 111-я псальма.

Праз усю Біблію Бог нязьменна абяцае дабраславіць Свой народ, але Ягонае дабраславеньне залежыць таксама ад нашага выбару. Ён ставіць два ясныя выбары перад людзьмі: “У сьведкі перад вамі заклікаю сёньня неба і зямлю: жыцьцё і сьмерць прапанаваў Я табе, дабраславеньне і пракляцьце. Выберы жыцьцё, каб жыў ты і нашчадкі твае” (Другі Закон 30:19).

Кніга Другі Закон у Старым Запавеце зьмяшчае сьпіс дабраславеньняў і сьпіс пракляцьцяў, якія былі зьвязаныя непасрэдна з тым, што чалавек абірае — слухацца ці ня слухацца Божых загадаў. Вы можаце прачытаць аб гэтым у Другім Законе 28:1-14, але зразумейце, што абраць жыцьцё з Богам значыць абраць дабраславёнае жыцьцё. Бог заўсёды жадае дабраславіць вас, але калі вы думаеце, што Ягонае дабраславеньне прызначана выключна дзеля вас, то вы не разумееце галоўнага.

Божае дабраславеньне ў вашым жыцьці павінна ісьці значна далей за вашае асабістае існаваньне. Бог паабяцаў Абраму дабраславіць яго, але ж Ён меў на мэце нешта значна большае за дабраславеньне толькі Абрамава жыцьця. Вось што Ён сказаў:

“і Я выведу ад цябе вялікі народ, і дабраслаўлю цябе, і праслаўлю імя тваё, і будзеш ты ў дабраславенстве” (Быцьцё 12:2).

Мэта Божага дабраславеньня — зрабіць вас вялікай крыніцай на дабраславеньне іншых людзей. Калі ў вас няма нічога, то вы ня можаце нічога зрабіць дзеля іншых; калі ў вас ёсьць трошачкі, то вы можаце дапамагчы толькі трошачкі; але ж калі ў вас ёсьць шмат, то вы й дапамагчы зможаце шмат. Калі вы дабраславёныя, то вы маеце моцны падмурак, каб узьдзейнічаць на іншых людзей. Вы атрымліваеце дабраславеньне, каб вы давалі дабраславеньне.

У ВАШЫМ ЖЫЦЬЦІ
Божая воля — дабраславіць вас, таму схілеце сэрца вашае да таго, каб шанаваць Яго ў кожнай частцы вашага дня. Абярыце жыцьцё й будзьце дабраславеньнем людзям, якіх Бог разьмясьціў навокал вас!