Радасць - гэта АсобаУзор

Радасць - гэта выбар

Радасць - гэта не адсутнасць праблем, а прысутнасць Хрыста.

Зь вялікай радасьцю прымайце, браты мае, калі ўпадаеце ў розныя выпрабаваньні. Якава 1:2 (Пераклад В. Сёмухі).

Шчыра кажучы, шмат разоў я падціскала вусны, чытаючы гэты верш. Я хутка прабягала яго вачыма, шукаючы больш прывабнае месца Пісання ніжэй на старонцы. Як можна разлічваць, што мы будзем называць нашыя выпрабаванні "радасцю"?

Мне цяжка ўспрымаць усё, што адбываецца як радасць. Хто можа думаць аб радасці, калі кола спусціла, а ты спазняешся на працу? Няма радасці, калі вы хварэеце, калі ваш заробак не пакрывае ўсіх рахункаў, калі той, каго вы любіце, хворы або зусім сыходзіць з жыцця, і нават у звычайных рэчах, якія прыходзіцца рабіць штодня, няма радасці.

Падаецца нелагічным знаходзіць радасць у цяжкасцях. Але ў мяне ёсць для вас добрыя навіны пра слова "прымайце".

Гэтае слова паходзіць ад грэцкага слова hegeomai, якое азначае весці, ісці наперадзе, кіраваць або загадваць, мець уладу над нечым.

Якаў не лічыць, што мы проста павінны ўзяць радасць з паветра і вырашыць радавацца. Хутчэй за усё ён перакананы, што выбраць радасць - Ісуса - і дазволіць Яму кіраваць намі замест нашых пачуццяў - гэта спосаб перажыць нашыя беды.

Не ведаю, як вам, а мне значна лягчэй засвоіць гэтую ідэю! Можа быць, мы з Якавам зноў пасябруем.

У самыя горшыя, самыя цяжкія часы ў вас будзе магчымасць зрабіць выбар на карысць радасці, перш чым страхі "а што, калі?" прывядуць вас да панікі. Выбар радасці будзе супярэчыць усяму таму, што гавораць вашыя адчуванні, але дазваляючы радасці кіраваць вамі, вы актывізуеце вашу веру і даказваеце, што вы сапраўды верыце ў жывога Ісуса!

Ойча, дзякуй табе за тое, што калі жыццё робіцца цяжкім, мне не прыходзіцца выпрацоўваць у сябе адчуванне радасці, а можна проста ўзяць Цябе за руку і дазволіць Табе правесці мяне праз усе цяжкасці. Сёння я выбіраю Цябе - выбіраю радасць. Паколькі я выбіраю засяродзіцца на Табе і Тваіх абяцаннях мне, дапамажы мне памятаць, што Цябе дастаткова ва ўсіх абставінах, і я спраўлюся з любымі цяжкасцямі ў жыцці, калі вырашу заставацца побач з Табой.