Курс перад вясельлемУзор

Блізкасьць

Як нам падтрымліваць каханьне і заставацца блізкімі на працягу ўсяго шлюба?

Адмыслова праводзіць час разам

Ажыўляць каханьне - гэта наша рашэньне. Для гэтага трэба:

• укладацца ў сяброўства, робячы тое, што падабаецца абодвум сужонкам
• зрабіць штодзённай звычкай размовы і падтрыманьне эмацыйнай блізкасьці з сужонкам
• кожны тыдзень ладзіць спатканьне з сужонкам, каб захаваць і пабольшыць рамантыку, радасьць і каханьне

Зразумець эмацыйныя патрэбы свайго сужонка

Разуменьне таго, што дапамагае нашаму сужонку адчуваць сябе каханым/-ай, будуе глыбокую блізкасьць і дапамагае быць эфектыўнымі ў каханьні. Нашы спосабы кахаць і быць каханымі могуць вельмі адрозьнівацца.

Пяць моваў любові

1. словы любові
2. падарункі з увагай
3. фізічныя дотыкі
4. час разам
5. добрыя ўчынкі

Усе пяць спосабаў выражаць любоў важныя для кожнага шлюба, але звычайна адзін ці два будуць выражаць любоў у спосаб, зайбольш зразумелы і прыемны для нас.

Скончыўшы чытаць гэта, вы можаце наведаць www.5lovelanguages.com і запоўніць невялікую апытанку, якая дапаможа зразумець важнасьць моваў любові для вас.

Вучэньне пра пяць моваў любові адаптаванае з бэстсэлера д-ра Гары Чэпмэна "Пяць моваў любові: сакрэт трываласьці" (The 5 Love LanguagesⓇ: The Secret to Love That Lasts) (© 2015). Выдадзеная Northfield Publishing. Выкарыстоўваецца з дазволу.

Як пабудаваць добрыя сэксуальныя адносіны

Сэкс злучае нас не толькі фізічна, але эмацыйна, псіхалагічна і нават духоўна.

Як стварыць і захоўваць добрыя сэксуальныя адносіны ў шлюбе:

1. Настройцеся на адну хвалю

Будзьце гатовыя размаўляць

• размова пра сэкс можа патрабаваць адвагі, бо для гэтага трэба адкрывацца сужонку
• кажыце адно аднаму, што вас натхняе, а што - наадварот, у жаданьні займацца сэксам

Не прыгадвайце мінулыя сэксуальныя адносіны

• мінулыя адносіны могуць выклікаць рэўнасьць і недавер
• калі неабходна, не падтрымлівайце адносіны з людзьмі, якія вас некалі цікавілі, нават у сацыяльных сетках; выдаліце лісты, паведамленьні, фота

2. Настройце думкі на правільны лад

Добры сэкс моцна зьвязаны са станам нашых думак

• напаўняйце розум тым, што прыгожае, шляхетнае і ўзаемапаважлівае адносна сэкса
• гаварыце пра свае чаканьні і любыя страхі, зьвязаныя з сэксуальнымі адносінамі

Праблемы, якія сталі вынікам гвалту або іншай сэксуальнай траўмы ў мінулым, могуць патрабаваць прафесійнай дапамогі.

Калі ў вашых адносінах прысутнічае парнаграфія, шчыра і без асуджэньня пагаварыце з сужонкам. Крокі да зьмены звычак вельмі станоўча паўплываюць на вашы адносіны і дапамогуць урэшце зрабіць добры сэкс рэальнасьцю ў вашым шлюбе.

Адсутнасьць самапавагі і нізкая ацэнка свайго зьнешняга вобраза ўплываюць на сэксуальныя рэакцыі

• будуйце ўпэўненасьць сужонка, кажучы яму/ёй, наколькі ён/яна прыгожыя і прывабныя для вас
• захапляйцеся целамі адзін аднога, як гэта робіцца ў Найвышэйшай Песьні Саламона

3. Настройце свае целы

Мужчын і жанчын узбуджаюць розныя рэчы.

• чытайце і размаўляйце пра тое, што натхняе на сэксуальныя адносіны вашага сужонка
• адвядзіце дастаткова часу падрыхтоўцы да сэксуальных адносінаў

Стварыце адмасферу даверу.

• добры сэкс залежыць ад таго, ці разьвіваюцца іншыя часткі нашых адносінаў
• паміж тым, каб аддаць сябе адно адному ў шлюбных абяцаньнях, і тым, каб аддаць сябе адно адному ў сэксуальных адносінах, ёсьць моцная сувязь
• трэніруйцеся ў самакантролі - гэта будзе важна, калі вас пачне цікавіць нехта іншы, а не ваш сужонак