Курс перад вясельлемУзор

Камунікацыя

Добрая камунікацыя - жыцьцёва важны складнік здаровага шлюба. Часам толькі ў шлюбе мы разумеем, што далёка не ўсе падзяляюць некаторыя з нашых самых глыбокіх жыцьцёвых перакананьняў.

Мы маем розныя спосабы камунікацыі. На іх ўплывае:

• наша асоба
• наша мінулае

1. Наша асоба

Экстраверты
Адзін з нас можа схіляцца да таго, каб дзяліцца амаль усімі сваімі думкамі. Іншымі словамі, мы схільныя думаць услых.

Інтраверты
Наш сужонак можа схіляцца да таго, каб усё абдумаць, перш чым сказаць.

Аналітычны падыход
Адзін з нас можа працаваць над усім метадычна, і яму для прыняцьця рашэньняў патрэбна будзе шмат часу.

Інтуітыўны падыход
Ваш сужонак можа часта дзейнічаць інтуітыўна або па здагадках, і рабіць пасьпешлівыя высновы.

Шчырая размова пра гэтыя адрозьненьні і іх прыняцьцё надзвычай важнае для моцнай сям'і.

2. Наша сямейная гісторыя

У адных сем'ях размаўляюць ціха, у іншых - гучна. Хтосьці запальчывы, хтосьці спакайнейшы. У адных сем'ях чакаюць канца выказваньня, а ў другіх часта перапыняюць.

Мы мусім ведаць камунікатыўныя звычкі кожнай сям'і, асабліва калі, напрыклад, у адной сям'і нязгода агучваецца імгненна, а ў другой пра яе гаварыць не сьпяшаюцца або ўвогуле замоўчваюць.

Перашкоды добрай камунікацыі

1. Няўменьне знайсьці час

Рэгулярна пакідайце час на зьмястоўную размову.

• плануйце гэты час у сваіх штодзёньніках (інакш ён пойдзе на іншыя справы)
• не дазваляйце перашкодам скрасьці гэты час, асабліва тэлефонам і іншым гаджэтам.

навучыцеся разумець, калі трэба адкласьці ўсё і паслухаць сужонка.

2. Няўменьне размаўляць пра пачуцьці

Некаторым можа быць неабходна навучыцца размаўляць пра пачуцьці, бо яны не мелі прыклада для перайманьня

• вам можа быць цяжка казаць пра пачуцьці праз адчуваньне неадпаведнасьці або ўразьлівасьці, або страх таго, як адрэагуе ваш суразмоўца.
• паспрабуйце даверыць свае пачуцьці сужонку.
• калі вашаму сужонку цяжка выразіць пачуцьці, слухайце без асуджэньня або крытыкі.

Для збудаваньня моцнага шлюба вельмі важна дзяліцца сваімі самымі глыбокімі думкамі і пачуцьцямі.

3. Няўменьне слухаць адзін аднаго

Слуханьне надзвычай важнае для збудаваньня падмурка ўзаемапаразуменьня і блізкасьці ў шлюбе.

Калі чалавека не слухаюць, гэта вельмі шкодзіць адносінам. А калі нас выслухаюць, мы адчуваем, што нас:

• разумеюць
• цэняць
• падтрымліваюць
• кахаюць

Большасьці з нас неабходна пераадолець кепскія звычкі ў слуханьні, напрыклад:

• няўважлівасьць, калі сужонак з намі размаўляе
• адыход ад абранай тэмы з прыкладамі і гісторыямі
• імгненныя парады замест уменьня суаднесьці сябе з пачуцьцямі суразмоўцы
• недаацэньваньне страхаў або негатыўных эмоцый суразмоўцы праз пастаяннае заспакойваньне - усё будзе "добра"
• перабіваньне суразмоўцы сваёй думкай або завяршэньне сказаў замест яго/яе

Як слухаць

Каб навучыцца добра слухаць, патрэбная цярплівасьць. Добра слухаць - значыць:

• дазваляць суразмоўцу завяршаць пачатае выказваньне
• адкладаць свае справы і імкнуцца пабачыць сітуацыю вачыма суразмоўцы
• імкнуцца зразумець суразмоўцу, калі ён або яна думаюць або адчуваюць не так, як вы