Курс перад вясельлемУзор
![The Pre-Marriage Course](/_next/image?url=https%3A%2F%2Fimageproxy.youversionapi.com%2Fhttps%3A%2F%2Fs3.amazonaws.com%2Fyvplans%2F22661%2F1280x720.jpg&w=3840&q=75)
Канфлікт
Гатоўнасьць да канфліктаў
Канфлікты непазьбежныя ў любых адносінах.
Пытаньне не ў тым, ці будуць у нас нязгоды, але ў тым, як мы будзем іх вырашаць. Для кожнай пары вельмі важна мець навыкі і інструменты канструктыўнага вырашэньня канфлікта.
Справіцца з гневам
Сам па сабе гнеў - не праблема; шкоднымі для адносінаў могуць быць няправільныя праявы гнева.
Ілюстрацыяй неадпаведных і недарэчных спосабаў спраўляцца з гневам могуць быць дзьве жывёлы:
- Насарогі: вы адразу даведаецеся, што яны раззлаваліся - яны атакуюць
- Вожыкі: схільныя хаваць свой гнеў - яны сьцішацца і адыдуць далей
Як насарогі, так і вожыкі мусяць навучыцца выражаць сваё засмучэньне словамі і спакойна.
Разам шукаць рашэньні
Калі паўстае нязгода:
- прызнаць, што ў шлюбе вы на адным баку
- разам шукаць рашэньня, добрага для вашых адносінаў
- будзьце гатовыя да паўзы, калі патрэбна (задайце сабе пытаньні: "Ці добры гэта час?" і "Ці добрае гэта месца, каб агучваць нашую нязгоду?")
Пяць крокаў, якія дапамогуць знайсьці рашэньне
- Вызначыце прычыну канфлікта і засяродзьцеся на ёй.
Не дазваляйце прычыне канфлікта стаць паміж вамі. Працуйце над ёй разам. - Кажыце пра сябе
Пазьбягайце эмацыйна-ацэначных выказваньняў (напрыклад: "Ты заўсёды…" / "Ты ніколі…"). Апісвайце свае пачуцьці (напрыклад: "Мяне засмучае…"). - Слухайце адзін аднога
Імкніцеся зразумець і цаніце пункт гледжаньня адзін аднога. Выказвайцеся па чарзе. - Правядзіце "мазгавы штурм" магчымых рашэньняў
Абмяркуйце розныя магчымасьці. Карысным будзе скласьці сьпіс. - Абярыце найлепшае рашэньне на дадзены момант і вярніцеся да яго пазьней
Калі гэтае рашэньне не спрацуе, паспрабуйце наступнае са сьпіса. Калі не можаце знайсьці рашэньня разам, папрасіце дапамогі.
Працэс ацаленьня ад болю
Боль непазьбежны ў кожным шлюбе, але каб адносіны заставаліся здаровымі, патрэбнае ацаленьне ад яго.
Ёсьць просты, але дзейсны працэс ацаленьня:
- Гаварыце пра боль
Кажыце свайму сужонку, калі ён або яна засмучаюць вас. Не маўчыце, не дазваляйце зьбірацца ўнутры шкадаваньню да сябе ці крыўдзе. - Прасіце прабачэньня
Часам наша ганарлівасьць перашкаджае нам прасіць прабачэньня. Выбачыцца - значыць узяць адказнасьць за няправільныя словы або ўчынкі. Просьба прабачыць адкрывае шлях для прымірэньня. - Прабачайце
Прабачэньне - найвялікшы рэсурс для ацаленьня ў шлюбе.
Прабачэньне - НЕ значыць:
- забыць, што было балюча
- зрабіць выгляд, што гэта няважна
- не здолець супрацьстаць няправільным і разбуральным паводзінам партнэра
Прабачэньне ЗНАЧЫЦЬ:
- паглядзець на зло, зробленае нам
- прызнаць эмоцыі, якія яно выклікае
- прыняць рашэньне не трымаць крыўды супраць партнэра
- адмовіцца ад шкадаваньня сябе і жаданьня помсты
Прабачэньне - гэта, у першую чаргу, рашэньне, а не пачуцьцё.
- прабачэньне - гэта працэс, нам часта неабходна зноў і зноў прымаць рашэньне прабачаць (часам штодзень). Калі мы гэта робім, то паступова ўспаміны пра боль маюць над намі ўсё менш улады.
Сьвятое Пісьмо
Аб гэтым плане
![The Pre-Marriage Course](/_next/image?url=https%3A%2F%2Fimageproxy.youversionapi.com%2Fhttps%3A%2F%2Fs3.amazonaws.com%2Fyvplans%2F22661%2F1280x720.jpg&w=3840&q=75)
Моцныя сем'і не зьяўляюцца па замове. Мы спадзяемся, вы зможаце адкрыць для сябе падыходы, каштоўнасьці і навыкі, неабходныя для таго, каб збудаваць трывалы, здаровы і моцны шлюб. Гэты пяцідзённы план чытаньня адаптаваны з "Курса перад вясельлем", створанага Нікі і Сілай Лі, аўтарамі The Marriage Book ("Кніга пра шлюб").
More