Жывая надзея: адлік часу да ПасхіУзор

“Ідзі за Мной.”

Пётр сядзеў у змроку і роспачы, у яго жыцьці Бог нібы маўчаў. Ён прылюдна выракся Ісуса акурат перад тым, як яго Настаўніка павялі на ўкрыжаваньне. Некалькі наступных дзён Пётр мусіў перажываць сваё гора і віну, не спадзеючыся на тое, што яго боль некалі спыніцца.

Але ранкам трэцяга дня магіла Ісуса апынулася пустой, а камень быў адсунуты прэч. Пётр у страху хаваўся разам з іншымі вучнямі і стараўся зразумець, што адбылося. Раптоўна перад Пятром паўстаў Ісус - цалкам жывы!

Замест таго, каб нагадваць Пятру былыя памылкі, Ісус адводзіць яго ўбок і задае пытаньне, якое скіроўвае Пятра да патрэбнай мэты:

“Ці любіш ты Мяне?”

Сваім пытаньнем Ісус запрашае Пятра аднавіць тыя адносіны, якіх ён быў выракся. Улада Ісуса над сьмерцю і цемрай значыла, што памылкі Пятра ў мінулым яшчэ не падводзілі канчатковую рысу ў яго жыцьці. Ён усё ж мог прыняць пакліканьне і стаць тым лідарам, якім заўжды бачыў яго Ісус.

Вы, як і Пётр, можаце сказаць "так" любові Ісуса і любіць Яго самі. Няважна, якім брудным выглядае ваша жыцьцё, як далёка, на вашу думку, вы ад Ісуса, - нічога не можа аддзяліць вас ад Яго любові. Вашы былыя памылкі або бягучыя праблемы не вызначаюць вашага прызначэньня, калі ў сваім жыцьці вы трымаецеся толькі за Хрыста.

Уваскрасеньне паказвае нам, што для адкупленьня Божага няма непераадольных сітуацый або памылак. Ісус можа пераадолець любы страх і адкупіць кожнае жыцьцё. Ніякая цемра не ўстоіць супраць моцы Ўваскрослага Бога, які дзеля нас перамог сьмерць. Для Бога магчыма ўсё.

Памаліцеся: Ісус, дзякую, што Ты перамог сьмерць дзеля мяне. Я ўдзячны Табе, бо нішто не можа аддзяліць мяне ад Тваёй любові, і ніякая памылка не можа пазбавіць мяне магчымасьці ўдзельнічаць у Тваёй задуме. Нагадай мне сёньня пра тое, кім Ты паклікаў мяне быць. Калі я пачну адчуваць сябе нявартым, дапамажы мне прыгадаць Тваё ўваскрасеньне і ўзрадавацца, бо Ты адзін ёсьць маім збаўленьнем. Я люблю Цябе і сёньня прымаю рашэньне ісьці за Табой.