Жывая надзея: адлік часу да ПасхіУзор

“Будзьце мужныя.”

У Бібліі няшмат сказана пра час паміж сьмерцю і ўваскрасеньнем Ісуса. Але мы ведаем, што гэтыя падзеі адбыліся падчас сьвяткаваньня Пасхі: на тыдні, калі ізраільцяне ўшаноўвалі вызваленьне Богам іх народа ад рабства.

Падчас адзначэньня гэтай падзеі юдэі звычайна мелі супольную вячэру і прыносілі ў ахвяру дасканалых ягнят у храме, рыхтуючыся да адпачынку - да шабата. Менавіта перад шабатам цела Ісуса было пакладзенае ў магілу.

Уявіце сябе вучням Ісуса, калі гэта ўсё адбывалася. Ня проста несправядліва забілі аднаго з вашых найлепшых сяброў, але вам нават не дазволена належным чынам аплакаць Яго сьмерць, пакуль не скончыцца дзень супакою.

Вучні яшчэ не разумелі, што іх боль быў часткай больш шырокай гісторыі - задумы ўсеагульнага адкупленьня. Бог бачыў будучае ўваскрасеньне, хаця вучні бачыць яго яшчэ не маглі.

Супакой і адпачынак нагадваюць нам, што Бог валадарыць над кожнай сітуацыяй. Таксама супакой дапамагае нам зноў засяродзіцца на найважнейшым: на Тым, хто абяцае даць нам усё неабходнае. Калі мы вырашаем заставацца спакойнымі сярод складанасьцяў, мы вырашаем пакланяцца Богу.

Што б ні адбывалася побач з вамі сёньня, прыміце рашэньне мець супакой у Богу, нават калі сьвет навокал хвалюецца. Для Бога няма нічога немагчымага.

Памаліцеся: Ісус, дапамажы мне сёньня мець супакой у Табе. Я ведаю, што Ты большы за ўсё, што адбываецца побач. Я спадзяюся толькі на Цябе, бо адно ў Табе маё збаўленьне. Я веру, што Ты ўжо адказаў на мае сьлёзы, нават калі я яшчэ і не бачу адказаў. Таму сёньня я прымаю рашэньне глядзець на Цябе. У імя Ісуса, амэн.