Слухаючы БогаУзор

Небясьпечны незнаёмец

Шмат хто з Хрыстовага цела ўсё часьцей паддаюцца на зман голасу незнаёмца. Чуць Божы голас становіцца сапраўды цяжка празь бязбожную балбатню, якая заўсёды канкурыруе зь ім. На жаль, тыя людзі пачынаюць сумнявацца ў характары Бога і ў праўдзе, якой Ён вучыць у Сваім Слове.

Гэтая праблема бярэ пачатак з жыхаркі саду Евы.

І вось мне цікава.
Чаму Ева наагул дазволіла сабе прыслухацца да пранырлівай хлусьні зьмея?
Чаму яна не зразумела, што гэта быў голас незнаёмца?
Мне цікава. Як добра Ева насамрэч знала Бога, свайго Пастыра?Здаецца, яна вельмі лёгка паверыла хлусьні ворага.
Чаму Ева адразу ж стала такой наіўнай?

Я думаю, што нягледзячы на тое, што Ева ведала праўду, яна ня мела яе за сваю аснову. Яна ведала, што Бог «сказаў», але не зусім разумела Які Ён ёсьць – цалкам надзейны і добры. Яна не разумела, што Ён ніколі не схавае аніякай добрай рэчы ад яе.

Да таго, як Ева зьела забаронены плод, яна ня ведала, што такое зло ды хлусьня. Яна ня ведала, што яе маглі заманіць у непаслушэнства Бацьку.

Але ж гэта ня так у нашым выпадку! Мы ж ведаем! Дзякуй Богу, што мы маем Ягонае Слова, Якое ёсьць нашым Павадыром, Сьвятога Духа (Духа Праўды), Які ёсьць нашым Дараднікам, ды Ісуса Хрыста, Які ёсьць нашым Збаўцам і праўдамоўным Адвакатам!

Аднак, як Ева, мы самі таксама прыслухоўваемся да хлусьні незнаёмца. Чаму?

Адна з прычынаў – гэта тое, што мы насамрэч прымаем хлусьню ворага праз нашыя ўласныя «уцехі». Тэлебачаньне, кіно, кнігі, часопісы, часьцей за ўсё пазбаўленыя Божага голасу, захапілі нашае грамадзтва. Мы марнуем шматлікія гадзіны, слухаючы гэтыя бязбожныя, хлусьлівыя галасы, у той час як нашыя сэрцы ды розум аслабляюцца, забруджваюцца ды галадаюць празь нястачу жывога, дзейнага, натхнёнага Богам Слова!

Мы павінны ведаць нашага Пастара! Мы павінны харчавацца зь Ягоных зялёных пашаў. Мы павінны набліжацца да Яго, каб чуць Ягоны голас.

Не прапусьціце заўтрашняе апошняе чытаньне, зь якога вы даведаецеся пра тое, як вы можаце пазнаёміцца бліжэй з Пастарам.

Спытайцеся Тату: Ці я прыслухоўваюся да нейкіх іншых галасоў, акрамя Твайго?

Рэкамэндацыя песьні праслаўленьня на сёньня: «My Heart Is Yours» ад Kristian Stanfill