Слухаючы БогаУзор

Хвілінку вашай увагі, калі ласка!

Можна чуць, а можна слухаць.
Чуць – гэта значыць успрымаць гукі або інфармацыю.
Слухаць – гэта значыць зварачаць на іх увагу.

Сёньняшні ўрывак з кнігі Ераміі дужа сумны, але, на жаль, ня рэдкі. Такія гісторыі са Старога Запавету – строгае папярэджаньне пра небясьпеку наперадзе, у выпадку калі мы не даем Богу поўную ўвагу ўсім нашым сэрцам, душою ды сіламі. Чаму? Таму, што калі мы не зварачаем увагу на Бога і на Ягоныя шляхі, мы ідзем у няправільным напрамку – назад, а не наперад. Занадта часта такія няправільныя кірункі вядуць нас у цёмныя й разбуральныя месцы.

Звычайна, нашую ўвагу адцягваюць такія нявінна прывадныя прынады, як шчыльны графік, выхаваньне дзяцей, пошукі нечага большага, альбо нават нейкая электронная прылада, поўная забаўных неспадзяванак!

Наколькі я ведаю, мае шасьцёра дзяцей маюць дасканалы слых, але занадта часта іхняе слуханьне бывае пасіўным! Нярэдка, адзіная рэч, якая здолее захапіць іхнюю ўвагу, – гэта мой сакрэтны пароль: «марозіва». Яны адразу ж ажыўляюцца і адказваюць: «Ах! Праўда, мам?» Тады я прызнаюся: «Не, мне папросту была патрэбная вашая ўвага!»

Шчыра кажучы, часам і я сама магу быць пасіўнай слухачкай, напрыклад, калі мая ўвага засяроджаная на смартфоне, а не на маёй сям’і. «Хммм…што ты кажаш, сонейка?»

Мы можам сьмяяцца з такіх тыповых хібаў, але насамрэч гэта ня сьмешна. Гэта зьневажае людзей. І калі мы ігнаруем Бога, то гэтак мы ацэньваем Яго ніжэй вартасьці й папросту становімся бунтарамі.

Калі мы жадаем ісьці за нашым нябесным Бацькам, то мы мусім зьвяртаць увагу на Ягоныя пасланьні! Памятайце, што Ён пасылае нам Свае сьвятыя паведамленьні ў розных фарматах: Ягонае Слова, парада суверніка, плян чытаньня, мара або ўява, шэпт або надакучлівая думка. Так, фарматы Божых пасланьняў вельмі разнастайныя, бо Ён ВЯЛІКІ Бог і майстра па камунікацыі, які жадае безупынна быць на сувязі з вамі!

Спытайце Бацьку:«Што мне перашкаджае засяроджваць маю ўвагу на Табе?»

Рэкамэндацыя песьні праслаўленьня на сёньня: «First» ад Lauren Daigle