Слухаючы БогаУзор

Хто ў вашым духоўным дарадным камітэце?

Часта, Бог будзе паведамляць вам пра сваю валю і мудрасьць празь іншых пасьлядоўнікаў Хрыста! Я згубіла лік разоў, калі Бог выкарыстаў іншага верніка, каб паведаміць мне пра нешта! Я чую Ягоны шэпат праз маіх пастараў, маіх сяброў, маіх дзяцей, блёгераў, або праз наведвальнікаў маёй хатняй групы. Некалькіх зь іх я лічу маім Духоўным Дарадным Камітэтам. Гэта мой муж, мой мэнтар, партнэрка па малітве, адна сяброўка ды мае бацькі.

А як наконт вашага Дараднага Камітэту? Ці вы шукаеце парадаў ад вернікаў, якіх паважаеце, і ці слухаеце іх з адкрытым сэрцам? Сталы кантакт зь іншымі хрысьціянамі (асабліва з тымі, якія заўсёды растуць ды ўкараняюцца ў Божым Слове) зьяўляецца істотным дзеля вашага асабістага духоўнага падарожжа.

Але недастаткова проста слухаць іх. Як часта вы ўжываеце парады і мудрасьць, што пачулі?

Будзьце мудрымі ды працягвайце ўдзельнічаць у хрысьціянскай супольнасьці! Прыслухоўвайцеся да вашай духоўнай сям’і. Яны патрэбны вам, і вы патрэбны ім. У сёньняшнім урыўку са Сьвятога Пісьма (Прыповесьці 18:2) адкрыта гаворыцца пра тое, што разумнічаць – гэта ня мудра.

Асабіста я не хачу блазнаваць. Мне патрэбна дапамога. Мне патрэбна мудрасьць. Я мушу абраць заставацца пакорлівай ды адкрытай да навучэньня, каб я магла чуць Божыя ўказаньні, перасьцярогі ды любоў. Маё сэрца мусіць заставацца пакорлівым ды адкрытым да навучэньня, бо Бог будзе часта гаварыць са мной празь Ягоных дзяцей.

Спытайцеся Тату: Хто павінен быць у маім духоўным дарадным камітэце?

Рэкамэндацыя песьні праслаўленьня на сёньня: «Set a Fire» ад Will Reagan and United Pursuit