НеспакойУзор

Учора мы ўбачылі, як Ісус перафармуляваў паняцьце шабатнага адпачынку як дар, якім можна цешыцца, а не закон, які трэба выконваць. Дык калі Шабат сапраўды быў створаны “дзеля чалавека” (Марка 2:27), то пытаньне такое: чаго трэба чалавеку? Як мы ўбачылі ў першым дні гэтага пляну чытаньня, нам патрэбны сродак супроць неспакою, а дакладней, нам трэба рэгулярна абменьваць рэчы, якія адбіраюць у нас жыцьцё на рэчы, якія даюць нам жыцьцё, нам трэба практыкаваць удзячнасьць і нагадваць самім сабе, як тое, што Ісус зрабіў на крыжы вызваляе нас ад прымусу запрацоўваць сябе да зьнемажэньня.

Як і калі мы робім гэта будзе выглядаць па-рознаму для розных асобаў. Улічваючы, што Ісус — гэта новы запавет, нам неабавязкова адпачываць ад нашага неспакою ў пэўны дзень тыдня. Вы можаце “шабатаваць” або адпачываць штодня пасьля таго, як паклалі дзяцей у ложкі, або штогод падчас летніх вакацыяў, або штотыдня паводле традыцыі.

Мая сям’я і я сьвяткуем дар шабатнага адпачынку штотыдня ў нядзелю, калі намагаемся рабіць толькі тое, што “дае жыцьцё” і стараемся як найлепш перапыніць усякую працу й прадукцыйнасьць. Для нас тое азначае выключыць мабільныя тэлефоны, есьці ўлюбёныя стравы, вывучаць Божае Слова і праводзіць час са сваякамі й блізкімі сябрамі. Але што ёсьць найбольш супакойлівай рэччу для мяне асабіста, дык гэта тое, што на адзін дзень мы наўмысна перапыняем усе прадукцыйныя размовы. Тое азначае не размаўляць пра ідэі аб маёй новай кнізе, не плянаваць нашыя наступныя вакацыі, не абмяркоўваць расклад на наступны тыдзень. У гэты адзін дзень мы можам проста адпачываць і цешыцца добрымі рэчамі, працай і людзьмі, што Бог даў нам — без усялякіх намаганьняў набыць або зрабіць больш.

Калі мы з жонкай пачалі практыкаваць Шабат некалькі гадоў таму, нам стала хутка зразумела, чаму Ісус сказаў, што Шабат існуе дзеля чалавека, а не наадварот. Шабат — гэта магчымасьць адпачыць ад бясконцага ціску гэтага сьвету безупынна выконваць, вырашаць, забаўляцца, траціць, паведамляць і рабіць. Шабат — гэта дзень на тое, каб паглядзець на нашае жыцьцё, працу й крыж і з задавальненьнем сказаць: “Гэтага дастаткова!”

Гэтакі адпачынак мне даецца нялёгка. Зусім нялёгка. Але чым больш я практыкую гэтыя рэгулярныя перапынкі, тым менш неспакойным і нецярплівым я станаўлюся. Калі вы неспакойныя як я, то раю вам пачуць, што Ісус кажа вам аб шабатным адпачынку. Ён не зьяўляецца цяпер легалістычным загадам. Ён зьяўляецца дарам, адпаведным цяпершчыне як ніколі раней. Спадзяюся, што вы прымеце яго.

Ці вы знайшлі гэты плян карысным?

Праглядзеце іншыя матэр’ялы ад Джордана Рэйнара, калі так.